Tarcint

Tarcint al è un comun inte Valadis de Tôr, che al dì di vuê al fâs part de provincie di Udin e al à 9.012 abitants.

Tarcint
Non uficiâl par talian	Tarcento
Provincie	Udin
Part	Valadis de Tôr
Altitudin	230 m s.n.m
Superficie	35 km²
Popolazion	9 012 ab.
Densitât	249 ab/km²
Frazions	Bulfons, Ciseriis, Cuie, Cuelalt, Culurumiz, Nanarià, Molinis, Samardencje, Sedilis, Segnà, Stele, Zomeais, Madone, Daprât, Noglarede, Zucje, Useunt, Malmaserie, Vilefrêde, Pradandôns
Comuns confinants	Cjassà, Lusèvare, Magnan, Montenârs, Nimis, Reane dal Roiâl, Tresesin
CAP	33017
Prefìs telefonic	0432
Patron	San Pieri

Gjeografie

Tarcint al è logât a 230 m di altece dal mâr tes valadis de Tôr, 20 km a nord di Udin. Il paesaç de citadine al è une vore varzelât e contrastant: a nord si cjatin lis Prealps Juliis, cuasit une muraie che e siere l'orizont; a sud l'alte planure furlane; a jevât i cuei orientâi; a bonât l'anfiteatri morenic dal Tiliment, il sisteme di roncs restâts daspò de ultime glaciazion.

Storie

I prins documents che a fasin il non di Tarcint a son dal XII secul, ma par sigûr la citadine e à origjinis plui antichis: i studiôs difat a fevelin di popolazions paleolitichis che daspò di chês a son vignûts altris insediamnents preistorics, po celtics, e po la colonizazion dai romans. Tarcint al jere feut dai Machland, vignûts di Perg. Tal 1219 chei di Cjaurià, une famee furlane, a cjaparin il puest dai Machland, austriacs.