Bizons
From Wikipedia, the free encyclopedia
From Wikipedia, the free encyclopedia
De bizons (Latynske namme: Bison) foarmje in skaai fan 'e klasse fan 'e sûchdieren (Mammalia), it skift fan 'e evenhoevigen (Artiodactyla), de famylje fan 'e holhoarnigen (Bovidae) en de ûnderfamylje fan 'e kobisten (Bovinae). De seis soarten dy't it skaai telt, binne (of wiene) lânseigen yn Noard-Amearika en Jeraazje.
Bizons | ||
De Amerikaanske bizon. | ||
Taksonomy | ||
ryk: | dieren (Animalia) | |
stamme: | rêchstringdieren (Chordata) | |
ûnderstamme: | wringedieren (Vertebrata) | |
klasse: | sûchdieren (Mammalia) | |
skift: | evenhoevigen (Artiodactyla) | |
(sûnder rang): | baarch- en walfiskeftigen (Artiofabula) | |
(sûnder rang): | walfiskeftigen en wjerkôgers (Cetruminantia) | |
ûnderskift: | wjerkôgers (Ruminantia) | |
tuskenskift: | hoarndieren (Pecora) | |
famylje: | holhoarnigen (Bovidae) | |
ûnderfamylje: | kobisten (Bovinae) | |
tûke: | echte kobisten (Bovini) | |
skaai: | bizons (Bison) | |
Hamilton Smith, 1827 | ||
Fjouwer fan dy soarten binne útstoarn: de âlde bizon (Bison antiquus), holoseenbizon (Bison occidentalis) en langhoarnbizon (Bison latifrons) út Noard-Amearika en steppewisint (Bison priscus) dy't yn 'e prehistoarje oer de steppen fan West-Jeropa en westlike en sintraal Aazje doarme. Der binne twa noch libjende soarten: de Amerikaanske bizon (Bison bison), dy't om 1900 hinne op it rântsje fan it útstjerren balansearre mar sûnt wer by de wâl opklaud is, en de wisint of Jeropeeske bizon (Bison bonasus), dy't fan âlds yn Jeropa en de Kaukasus libbe, mar no inkeld noch yn Poalen yn it wyld foarkomt.
Hoewol't de bizons yn 'e regel yn harren eigen taksonomysk skaai pleatst wurde, binne der guon yndielings wêrby't se op yn bulte smiten wurde yn it nau besibbe skaai fan 'e kij (Bos) mei kij, gaurs, kûprys en jaks, dêr't se har op beheinde wize mei fuortplantsje kinne.
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.