Kenneth I fan Skotlân
From Wikipedia, the free encyclopedia
Kenneth I (Midsiuwsk Skotsk-Gaelysk: Cináed mac Ailpín; modern Skotsk-Gaelysk: Coinneach mac Ailpein; anglisearre foarm: Kenneth MacAlpin; Iona, 810 – Cinnbelachoir, 13 febrewaris 858) wie yn 'e midden fan 'e njoggende iuw kening oer de Pikten. Neffens de leginde soe hy de keninkriken fan 'e Gaelen en de Pikten yn 843 mei geweld gearfoege hawwe om dêrnei de earste kening fan it feriene Skotlân te wurden. Sadwaande waard him letter de postume bynamme an Ferbasach, "de Feroverder", taparte. De wiere tadracht wie nei alle gedachten hiel oars, mar it stiet net yn 'e kiif dat Kenneth mei syn dieden de grûnslach lei foar it lettere Skotske keninkryk.
Fluch de feiten
Kenneth I (Kenneth MacAlpin) | ||
aadlik persoan en/of hearsker | ||
nasjonaliteit | Skotsk | |
bertedatum | 810 | |
berteplak | Iona (Skotlân) | |
stjerdatum | 13 febrewaris 858 | |
stjerplak | Cinnbelachoir (Skotlân) | |
dynasty | Hûs fan Alpin | |
etnisiteit | Skotsk | |
kening fan Dalriada | ||
regear | 841? – 843? | |
foargonger | ? | |
opfolger | gjint (opgien yn Skotlân) | |
kening fan Skotlân | ||
regear | 843 – 858 | |
foargonger | gjint (keningskip ynsteld) | |
opfolger | Donald I |
Slute