Minnikonzjû
From Wikipedia, the free encyclopedia
De Minnikonzjû (Ingelsk: Minniconjou, ek wol stavere as Miniconjou, útspr.: [mɪni'konʒu]; Lakota: Mnikȟówožu, útspr.: [mni'kˣo:woʒu]) binne ien fan 'e sân substammen fan 'e Lakota of Titon (Teton). Yn 'e mande mei de Dakota foarmje de Lakota de gruttere etnyske groep fan 'e Sû, in Yndiaanske konfederaasje dy't fan likernôch 1730 oant 1880 oardel iuw lang it noardlike part fan 'e Grutte Flakten fan Noard-Amearika behearske. De Sû binne ferneamd wurden om 'e oarloggen dy't se yn 'e twadde helte fan 'e njoggentjinde iuw mei it Amerikaanske leger útfochten; de Minnikonzjû wiene dêr oan kop en earen ta yn behelle.