Malpaso Productions

Malpaso Productions, oant 1988 de Malpaso Company, is in Amerikaanske filmstudio dy't eigendom is fan 'e ferneamde akteur Clint Eastwood. It bedriuw waard yn 1967 oprjochte, en is ferneand nei in beek op Eastwood syn lân, de Malpaso Creek.

Malpaso Productions
algemien
hist. namme	Malpaso Company
nasjonaliteit	Amerikaansk
type	privaat
sektor	filmstudio
haadkertier	Burbank (Kalifornje)
oprjochte	1967
oprjochter	Clint Eastwood, Irving Leonard
eigner	Clint Eastwood
offisjele webside
gjin offisjele webside

Namme

De namme 'Malpaso' komt fan 'e Malpaso Creek, in beek dy't oer de 115 ha lân streamt dy't akteur Clint Eastwood yn 1967 oankocht besuden syn wenplak Carmel-by-the-Sea, yn 'e Amerikaanske steat Kalifornje. Eastwood fûn 'Malpaso' (Spaansk foar "misstap") in moaie iroanyske namme foar syn earste ûndernimming.

Skiednis

Nei't er oan ferskate grutte Hollywood-produksjes meiwurke hie, begûn akteur Clint Eastwood argewaasje te krijen oer it fergriemen fan jild dat yn syn eagen by sokke produksjes healwize foarmen oannaam. Om sawol de kreätive as finansjele kontrôle nei him ta te lûken oer films dêr't er yn spile, besleat er in eigen filmstudio te begjinnen. Dat waard de Malpaso Company, dy't yn 1967 oprjochte waard troch Eastwood en syn finansjeel adviseur Irving Leonard, mei it salaris dat Eastwood fertsjinne hie mei syn aktearjen yn 'e Dollars-trilogy fan regisseur Sergio Leone.

Leonard wie neitiid de algemien direkteur fan 'e Malpaso Company oant syn hommels ferstjerren yn desimber 1969. Yn 1988 waard de Malpaso Company omneamd ta Malpaso Productions. Yn 't earstoan makke Malpaso inkeld films dêr't Eastwood sels yn spile, mar letter wiene der ek geregeldwei produksjes dêr't Eastwood allinnich efter de skermen by belutsen wie, as regisseur en/of filmprodusint. Frijwol alle films fan Malpaso wiene ko-produksjes mei oare (gruttere) filmstudio's. Eastwood stiet bekend om tige strakke opnameskema's, wêrmei't er syn films binnen de stelde tiid en binnen it beskikbere budget ôfmakket.

Produksjes

Yn 'e opsomming hjirûnder binne films dêr't Clint Eastwood sels de haadrol yn spile, markearre mei in asterisk (*).

as de Malpaso Company

• 1968 – Hang 'Em High *
• 1968 – Coogan's Bluff *
• 1969 – Paint Your Wagon *
• 1970 – Two Mules for Sister Sara *
• 1971 – The Beguiled *
• 1971 – Play Misty for Me *
• 1971 – Dirty Harry *
• 1972 – Joe Kidd *
• 1973 – High Plains Drifter *
• 1973 – Breezy

• 1973 – Magnum Force *
• 1974 – Thunderbolt and Lightfoot *
• 1975 – The Eiger Sanction *
• 1976 – The Outlaw Josey Wales *
• 1976 – The Enforcer *
• 1977 – The Gauntlet *
• 1978 – Every Which Way But Loose *
• 1979 – Escape from Alcatraz *
• 1980 – Any Which Way You Can *

• 1982 – Firefox *
• 1982 – Honkytonk Man *
• 1983 – Sudden Impact *
• 1984 – Tightrope *
• 1984 – City Heat *
• 1985 – Pale Rider *
• 1986 – Heartbreak Ridge *
• 1986 – Ratboy
• 1988 – Bird

as Malpaso Productions

• 1988 – The Dead Pool *
• 1989 – Pink Cadillac *
• 1990 – White Hunter Black Heart *
• 1990 – The Rookie *
• 1992 – Unforgiven *
• 1993 – A Perfect World
• 1995 – The Bridges of Madison County *
• 1995 – The Stars Fell on Henrietta
• 1997 – Absolute Power *
• 1997 – Midnight in the Garden of Good and Evil
• 1999 – True Crime *

• 2000 – Space Cowboys *
• 2002 – Blood Work *
• 2003 – Mystic River
• 2004 – Million Dollar Baby *
• 2006 – Flags of Our Fathers
• 2006 – Letters from Iwo Jima
• 2007 – Rails & Ties
• 2008 – Changeling
• 2008 – Gran Torino *
• 2009 – Invictus

• 2010 – Hereafter
• 2011 – J. Edgar
• 2012 – Trouble with the Curve *
• 2014 – Jersey Boys
• 2014 – American Sniper
• 2016 – Sully
• 2018 – The 15:17 to Paris
• 2018 – The Mule *
• 2019 – Richard Jewell
• 2021 – Cry Macho *

Keppelings om utens

• (in) Films fan Malpaso Productions yn 'e Internet Movie Database (IMDb)

Boarnen, noaten en referinsjes