Tsjeppe Noas
From Wikipedia, the free encyclopedia
Tsjeppe Noas (Ingelsk: Pretty Nose; westlike Feriene Steaten, 1851 – yn it Wind River Yndianereservaat (Wyoming), nei 1952) wie in froulik kriichsopperhaad fan 'e Noardlike Arapaho, dy't meifocht yn 'e Grutte Sû-Oarloch fan 1876. Hoewol't hja yn guon boarnen identifisearre wurdt as in Noardlike Sjajinne, wie hja beslist in Arapaho. De betizing waard wierskynlik feroarsake trochdat de beide folken nau besibbe binne en foarhinne trouwe bûnsgenoaten wiene. Tsjeppe Noas oerlibbe de oarloch en wenne oant op hege jierren yn it Wind River Yndianereservaat fan 'e Noardlike Arapaho Stamme yn 'e Amerikaanske steat Wyoming.
Fluch de feiten
Tsjeppe Noas | ||
persoanlike bysûnderheden | ||
oare namme | Pretty Nose | |
nasjonaliteit | Noardlik Arapaho Amerikaansk | |
berne | 1851 | |
berteplak | westlike Feriene Steaten | |
stoarn | nei 1952 | |
stjerplak | yn it Wind River Res. (Wyoming) | |
etnisiteit | Noardlik Arapaho | |
wurkpaad | ||
aktyf as | opperhaad en kriichsliedster | |
jierren aktyf | <1876 – >1952 |
Slute