Kansas City is de op twa nei grutste stêd yn 'e Amerikaanske steat Kansas, en it haadplak fan Wyandotte County. De namme wurdt gauris ôfkoarte ta KCK. Neffens de folkstelling fan 2010 hie it doe krapoan 146.000 ynwenners; dêrmei wie it yn 2000 de 142ste stêd fan 'e Feriene Steaten. Neffens oerflak nimt it it 48ste plak yn. Kansas City leit oan 'e rivier de Missoury, dy't de eastgrins fan 'e steat Kansas foarmet. Rjocht foar de stêd oer, oare kant de rivier, leit it folle gruttere Kansas City yn 'e steat Missoury. Tegearre foarmje de beide Kansas City's it hert fan 'e stêdekloft dy't bekend stiet as de Kansas City Metropolitan Area, en dy't in befolking fan mear as 2 miljoen minsken hat.
| Kansas City | ||
 | ||
| Emblemen | ||
  | ||
| Polityk | ||
| Lân |  Feriene Steaten | |
| Steat |  Kansas | |
| County | Wyandotte County | |
| Sifers | ||
| Ynwennertal | 145,786 (2010) | |
| Oerflak | 332,5 km² | |
| Befolkingsticht. | 440,4 / km² | |
| Stêdekloft | Kansas City (Missoery) | |
| Hichte | 266 m | |
| Oar | ||
| Stifting | 1868 | |
| Tiidsône | CST (UTC-6) | |
| Simmertiid | CDT (UTC-5) | |
| Koördinaten | 39°06'23"N 94°40'34"W | |
| Offisjele webside | ||
| www.wycokck.org | ||
| Kaart | ||
 | ||
| De lizzing fan Kansas City (read) yn Wyandotte County en de steat Kansas. | ||
Dizze side giet oer Kansas City yn 'e steat Kansas. Foar Kansas City yn 'e steat Missoery, sjoch: Kansas City (Missoery).
Kansas City waard yn 1868 stifte op Kaw Point, it plak dêr't de rivier de Kansas útmûnet yn 'e gruttere rivier de Missoury. It krige yn 1872 de status fan stêd. Tsjin 1920 waard it ynwennertal fan 100.000 berikt. Yn 1997 waard yn referindum troch de kiezers in útstel goedkard om it stedsbestjoer gear te foegjen mei it bestjoer fan Wyandotte County. Sûnt dy tiid bestiet der yn Kansas City ûnder it steatsnivo dus noch mar ien bestjoerslaach. Wyandotte County omfettet ek de ûnôfhinklike stêden Bonner Springs en Edwardsville, dy't dus noch wol in eigen bestjoer hawwe.
Berne yn Kansas City (Kansas)
- Harry Darby (1895-1987), politikus
- Charlie Parker (1920-1955), jazzmuzikant en komponist
- Ed Asner (1929), akteur
- Dee Wallace (1948), aktrise
- Tuc Watkins (1966), akteur
- Eric Stonestreet (1971), akteur
- Piney Gir (1974), sjongster
- Janelle Monáe (1985), sjongster en aktrise
Keppelings om utens
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
