Healgod

In healgod of healgoadinne is yn 'e mytology de neiteam út in relaasje tusken in god en in minske. Healgoaden moatte net betize wurde mei oare 'mindere' godheden, dy't bygelyks de natoerkrêften ferpersoanlikje, lykas nimfen en saters.

In byld fan 'e bekendste healgod, Herakles.

De measte healgoaden wurde yn 'e mytology beskreaun as stjerlike minsken dy't lykwols boppeminsklike krêften hawwe. Sokken wurde ek faak heroën neamd, nei it Grykske wurd foar "held". Soms wurde healgoaden nei in fertsjinstlik libben as stjerling ta god ferheft.

Bekende healgoaden

• Grykske en Romeinske mytology:
  • Aineäs, soan fan Afrodite/Fenus en Anchises
  • Achilles, soan fan 'e seenimf Tetis
  • Herakles/Herkules, soan fan 'e oppergod Seus/Jupiter, postúm fergoade
  • Asklepius, soan fan Apollo, postúm fergoade ta de god fan 'e genêskunde
• Keltyske mytology:
  • Cú Chulainn, soan fan Lugh
  • Fráech, soan fan Bé Find
• Hebriuwske mytology: de nefilim, bern fan ingels en minsken

Boarnen, noaten en referinsjes