Trani

Trani is in stêd oan 'e Adriatyske See yn 'e Italjaanske regio Apûlje en tegearre mei Barletta en Andria de haadstêd fan 'e nije provinsje Barletta-Andria-Trani. De stêd ûntstie yn 'e tredde iuw f.Kr. ûnder de namme Tirenum. De Normandjers brûkten de stêd as útfalsbasis foar harren ekspedysjes nei it easten.

Trani
Katedraal fan Trani
Emblemen
Bestjoer
Lân	Itaalje
regio	Apûlje
provinsje	Barletta-Andria-Trani
Sifers
Ynwennertal	54.667 (30.06.2025)
Oerflak	103,41 km²
Hichte	7 m
Oar
Postkoade	76125
Koördinaten	40° 38' N 17° 56' E
Offisjele webside
www.comune.trani.bt.it
Kaart

De âlde stêd is karakteristyk mei paleizen, tsjerkjes, smelle stegen en pleinen. De gebouwen binne fan ljochte kalkstien, dy't yn 'e grotten fan 'e stêd wûn waard.

It besjen wurdich

Swabysk kastiel.

In moai foarbyld fan Apûlyske romaanske arsjitektuer is de yn 1099-1143 boude en oan Marije wijde katedraal fan Trani. De katedraal leit fuort oan 'e see.

It Castello Svevo (Swabyske kastiel) leit fuort oan 'e Adriatyske kust. It is in fort dat yn 'e jierren 1233-1249 boud waard ûnder it bewâld fan keizer Freark II. Hjoed-de-dei is it in museum.

De Scolanova Synagoge yn 'e joadske wyk is ien fan 'e seldsume midsiuwske synagoges, dy't weromjûn is oan 'e joadske mienskip. Trani hie eartiids ien fan 'e grutsste joadske gemeente fan Súd-Itaalje. De joadske wyk is sels ek ynteressant mei âlde hûs en smelle stegen.

It Monastero di Santa Maria di Colonna mei de romaanske tsjerke leit op 'e Capo Colonna. It wie oant yn 'e 19e iuw bewenne en leit likernôch 2 km fan it sintrum.

Ofbylden

• 
  Monastero di Santa Maria
• 
  Scolanova Synagoge.
• 
  Palezzo Caccetta.
• 
  Haven.

Ofbylden dy't by dit ûnderwerp hearre, binne te finen yn de kategory Trani fan Wikimedia Commons.