An Bhoirinn

Ceantar in iarthuaisceart Chontae an Chláir í an Bhoirinn^[1] (litriú malartach an Bhoireann). Tá sí 300 ciliméadar cearnaithe ar leithead. Tá cáil ar an dúiche mar gur d'aolchloch maol atá sí déanta don chuid is mó. Tá sé seo i bhfoirm carst, agus é gaolta leis na leaca aolchloiche in Oileáin Árann amach ó chósta na Boirne. Ciallaíonn an focal boireann tírdhreach clochach, carstach. Tá saibhreas dúlra sa Bhoirinn, agus plandaí na Meánmhara, Na nAlp agus an Artaigh ann nach bhfaightear in aon cheantar eile in Éirinn.

An Bhoirinn

Cineál	Réigiún nádúrtha agus limistéar faoi chosaint
Logainm.ie	1165549
Suíomh
Limistéar riaracháin	Contae an Chláir, Éire
53° 00′ 28″ N, 9° 00′ 08″ O
Tréithe
Suíomh Oidhreachta Domhanda sealadach
Am	4 Lúnasa 2010
Aitheantóir	5522

Tá pluaiseanna an Aill Bhuí sa cheantar, agus tagann na mílte chuile bhliain ar cuairt orthu.

Clinteanna agus Gríoga

Clinteanna agus gríoga sa phábháil aolchloiche

Tugtar gríoga ar na scáintí (nó creabháis) sa phábháil aolchloiche a chruthaítear idir bloic aolchloiche ar a dtugtar clinteanna. Sampla amháin iad gríoga den iomad gnéithe carst nó boirne a chruthaítear nuair a thuaslagann uisce báistí an aolchloch.