Quo vadis?

Tagraíonn an nath cainte Laidineach seo Quo vadis? (cá bhfuil do thriall?) do scéal a insítear i scríbhinní Naoimh Póil faoi Naomh Peadar agus é ar a theitheadh as an Róimh roimh shaighdiúirí Nearó, Impire na Róimhe.

„Domine, quo vadis?”
Pictiúr le Annibale Carracci, 1602

Deirtear gur casadh Críost air ar an Via Appia, agus d'fhiafraigh Peadar de Quo vadis, Domine? (Cá bhfuil do thriall, a Thiarna?). Séard a d'fhreagair Críost ná Venio Romam iterum crucifigi (táim ar mo bhealach go dtí an Róimh le go gcrochfar arís mé). Ar an toirt, d'iompaigh Peadar ar ais. Crochadh é ar chros sa Róimh go gairid tar éis sin.

Tá séipéal sa lá atá inniu ann, ar an Via Appia, a ghlaoitear Domine, Quo Vadis? ag an áit a tharla an eachtra seo.