Seán Rocks

Craoltóir RTÉ, aisteoir agus Gaeilgeoir ba ea Seán Rocks nó Seán Mac Concharraige (8 Meitheamh 1961 - 30 Iúil 2025), ar dhuine de na craoltóirí ba cháiliúla in Éirinn sna 2010-2020idí.^[1] Bhí clú air as a chuid eolais ar cheol, litríocht, dhrámaíocht, agus ealaíona eile. Bhí stíl chairdiúil, ghreannmhar aige ar an aer.

Chuir an pobal aithne mhór ar Sheán Rocks a bhuíochas don chlár ealaíona,'Arena' a láithrigh sé i rith na seachtaine ar RTÉ Raidió 1 ó 2009 go 2025.

Seán Rocks

Beathaisnéis
Breith	1961
Bás	2025 63/64 bliana d'aois
Gníomhaíocht
Gairm	aisteoir

Beatha

Ó bhaile Mhuineachán ó dhúchas, bhí siopa grósaera ag a mhuintir. Bhain Rocks cáilíocht amach mar mhúinteoir bunscoile. D’oibrigh sé mar mhúinteoir ar feadh seacht mbliana sna 1980idí, Bhí sé an-ghafa leis an drámaíocht amaitéarach agus chuaigh sí ina cheann go gairmiúil timpeall 1990. Níorbh annamh é ar stáitse in Amharclann na Mainistreach agus in Amharclann an Gheata i measc eile sna 1990idí, ach bhíodh sé os cionn a bhuille leis ar an scáileán idir bheag agus mhór, rólanna aige i leithéidí The Bill, agus Fair City agus Glenroe ar RTÉ 1.^[1]

D'éirigh sé ina láithreoir ar chláracha RTÉ Lyric FM sna 2000idí (cláir mar The Lyric Breakfast, Lunchtime Choice, agus Seán Rocks on Sunday). Chuir sé i láthair 'Soul of Ireland', clár faisnéis ar BBC Radio 4, a bhuaigh duais ag Féile Raidió Nua-Eabhrac ^[2] Ba mhinic é i láthair mar fhear an tí ag ócáidí stáit mar chuid dá chuid oibre (mar a shampla nuair a thur Éilis II cuairt ar Éirinn in 2012).

Chuir an pobal aithne mhór ar Sheán Rocks a bhuíochas don chlár ealaíona, 'Arena' a láithrigh sé i rith na seachtaine ar RTÉ Raidió 1 ó 2009 go dtrí mí Iúil 2025 (bhí Arena á chraoladh ó Luan go hAoine ó 7 i.n. go 8 i.n.), agus é i mbun comhrá le scríbhneoirí cáiliúla – mar shampla Salman Rushdie, Edna O'Brien, John Banville, Roddy Doyle; agus aisteoirí cosúil le Brendan Gleeson, Martin Sheen agus Rupert Everett.

Gaeilgeoir ab ea é agus léirigh sé a mheas go minic don teanga ina chuid craoltóireachta; d'úsáid sé go minic í agus é ag craoladh.^[3]

Bhuail tinneas gairid Rocks agus fuair sé bás anabaí. Craoladh a chlár deireanach ar an 25 Iúil 2025 agus mhaígh sé “I’ll see you on Monday” . Cailleadh é roimh am cúig lá níos déanaí, ar an 30 Iúil 2025 in Ospidéal Ollscoile Naomh Uinseann i mBaile Átha Cliath, in aois 64 bliain dó. Maireann a bhean Catherine agus a bheirt mhac, Morgan agus Christian.^[1]

Cuireadh Rocks i gcré na cille i Reilig Leacht Lorcáin.^[4]