Sméar dhubh

Is toradh inite é an sméar dhubh^[1] a tháirgtear trí aon cheann de na speicis éagsúla sa ghéineas Rubus ón bhfine Rosaceae. Is planda ilbhliantúil é an sméar dubh (Rubus fruticosus L.), cé go bhfuil a thacsanomaíocht an-chasta agus débhríoch.

Sméar dhubh

Foinse	Sméar dhubh
Sonraí
Cineál	ildrúp, caor agus toradh

Fásann gas nua (ar a dtugtar "cáin") óna fhréamhacha gach bliain. Sa chéad bhliain, síneann an cháin amach go dtí thart ar 3–6 méadar ar fad, ag luí ar an talamh, agus bíonn duilleoga móra pailmeacha uirthi le 5 go 7 bileog. Ní thugann sí bláthanna ar bith sa chéad bhliain.

Sa dara bliain, ní fhásann an phríomhcháin níos faide, ach osclaíonn na bachlóga taoibhe chun bláthanna a thabhairt. Bíonn dealga gearra lúbacha ar na gasanna i rith an dá bhliain, cé go bhfuil cineálacha gan dealga forbartha ón 21ú haois ar aghaidh.