Veikko Huovinen

Veikko Huovinen
	;
Beathaisnéis
Breith	7 Bealtaine 1927; Simo, An Fhionlainn
Bás	4 Deireadh Fómhair 2009 ; 82 bliana d'aois; Sotkamo, An Fhionlainn
Gníomhaíocht
Gairm	scríbhneoir, drámadóir, scríbhneoir próis
Teangacha	An Fhionlainnis
	Gradam a fuarthas (1970) Gradam Aleksis Kivi; (1969) Pro Finlandia Medal of the Order of the Lion of Finland (en) ; (1951) Gradam Kalevi Jäntti; Knight First Class of the Order of the White Rose of Finland (en) ; Memorial medal of the Continuation War (en) ;

Scríbhneoir Fionlannach a bhí i Veikko Johannes Huovinen a rugadh i Simo, in iardheisceart na Laplainne Fionlannaí, ar an 7 Bealtaine 1929 agus a fuair bás i Sotkamo ar an 4 Deireadh Fómhair 2009.

Fíricí Gasta Beathaisnéis, Breith ...

Nuair a bhí sé ina leanbh leathbhliana, d'aistrigh a mhuintir go Sotkamo in Kainuu (an réigiún timpeall ar chathair Kajaani), áit ar chaith Veikko an chuid ba mhó dá shaol ina dhiaidh sin. Bhí féith na scéalaíochta ann ó laethanta a chéad óige. Go gairid roimh dheireadh an chogaidh, chuaigh sé sna fórsaí frith-aerárthaí dá dheoin féin, agus nuair a tháinig deireadh leis an gcogadh, d'fhill sé ar an scoil leis an ardteastas a bhaint amach. Bhain sé amach céim san fhoraoiseacht in Ollscoil Heilsincí sa bhliain 1952, agus ina dhiaidh sin, chuaigh sé ar ais go Sotkamo le ceird an fhoraoiseora a chleachtadh ansin. Sa bhliain 1956, d'éirigh sé as an bhforaoiseacht le dul le scríbhneoireacht go lánaimseartha.

D'fhoilsigh sé an chéad leabhar sa bhliain 1950 - Hirri. Gearrscéalta a bhí ann, agus fuair an bailiúchán moladh ó na léirmheastóirí, nó d'aithin siad go raibh Huovinen in ann cur síos úr, greannmhar a thabhairt ar shaol na gcúlriasc agus ar na carachtair neamhghnácha a raibh cónaí orthu i gcoillte an tuaiscirt. Sa bhliain 1952 tháinig an t-úrscéal Havukka-ahon ajattelija i gcló - "An Domhainsmaointeoir ó Havukka-aho" - agus ba é an leabhar seo a thabhaigh a chlú don údar.