Am Blàr Dubh

'S e baile air a' Ghàidhealtachd ann an Alba a tha anns a' Bhlàr Dhubh (Beurla: Muir of Ord).^[1] Tha e suidhichte air oir an iar den Eilean Dubh, 20 km an iar air Inbhir Nis agus 10 km deas air Inbhir Pheofharain.

Am Blàr Dubh
Meadhan aʼ bhaile
Suidheachadh
Am Blàr Dubh (Alba)
Dùthaich	Alba
Comhairle	Comhairle na Gàidhealtachd
Siorrachd	Ros an Ear
Co-chomharran	57° 31′ 12″ T 4° 27′ 36″ I
Comharradh-clèithe	NH5250
Feartan fiosaigeach
Àireamh-shluaigh	2,840 (2020)
Àireamh fòn	01463
Còd-puist	IV6
Duilleag oifigeil	muiroford.org

Eachdraidh a' bhaile

Anns an 19mh linn dh'fhàs am baile seo iar-thuath air a' chlachan Tarbhdail air sgàth 's stèidheachadh taigh-staile "Glen Ord" ann an 1838^[2] agus mar àite math airson giùlain^[3]. Tha stèisean rèile ann, Stèisean a' Bhlàir Dhuibh, a chaidh fhosgladh ann an 1869. Tha an taigh-staile "Glen Ord" ann gus an latha an-diugh, tha e aig a' chompanaidh eadar-nàiseanta Diageo a-nis.^[4] Bha 2555 duine a' fuireach ann ann an 2011^[5] agus 2840 ann an 2020.^[6]

Tha roinn na turasachd làidir anns a' Bhlàr Dhubh. Tha am Black Isle Show^[7], tè de na fèillean àiteachais as motha ann an Albainn, ga chumail gach bliadhna faisg air aʼ bhaile. Anns na linntean sa chaidh bha am Blàr Dubh na àite cudromach airson dròbhaireachd gus crodh a reic^[8].

Daoine ainmeil

• Niall Gòrdan, bàrd Gàidhlig agus ceòladair.
• Rugadh Willie Logan (1913 - 66), a chuir Loganair air bhonn, anns a' Bhlàr Dhubh. Còmhla ris an athair aige thog an companaidh aca, Duncan Logan Construction Ltd., Drochaid-rathaid na Tatha^[9].

Dealbhan

• 
  Taigh-staile "Glen Ord"
• 
  Stèisean a' Bhlàir Dhuibh
• 
  Taisbeanadh snìomhaidh air Black Isle Show