An t-Òban

Tha An t-Òban na bhaile agus na cheann-ùidhe turasachd air a bheil fèill mhòr air an Iar-Ghaidhealtachd. 'S e An t-Òban am prìomh-bhaile airson Lathurnach, agus tha e suidhichte ann an taobh a tuath Comhairle Earra-Ghàidheal agus Bhòid. Tha a' Ghàidhlig aig deich sa cheud duine anns a' bhaile is cha do rugadh dà sa cheud den dhaoine seo ann an Alba. 'S e port cudromach a th' ann leis an dà chuid bàtaichean-èisg agus na h-aiseagan aig Caledonian Mac a' Bhriuthainn a' siubhal ris na h-eileanan bhuaithe. Canaidh muinntir an Òbain gur e am prìomh-bhaile neo-oifigeil na h-iar-Ghaidhealtachd ach cha ghabhadh muinntir a' Ghearasdain ris an sin.

An t-Òban

baile, burgh beag

Ainm dùthchasach	Oban
Dùthaich	Rìoghachd Aonaichte
Sgìre riaghaltais ionadail	Earra-Ghaidheal agus Bòd
Roinn-tìde	UTC±00:00
Siorrachd eachdraidheil	Earra-Ghàidheal
Domhan-leud is -fhad
Cód a’ phuist	PA34
List of monuments	list of listed buildings in Oban
Cód fónaichean-talmhainn	01631
Comharran-cléithe SO	NM859298

Cruinn-eòlas

Tha baile an Òbain, 's e sin am bàgh (òb) beag, air a shuidheachadh air bàigh aig ceann a deas na Linne Latharnach, mu choinneamh Cearrara agus ann an amharc eilean mòr Mhuile. 'S e am baile as motha a th' ann eadar Baile Eilidh is an Gearasdan.

Tachartasan

Chaidh am Mòd Nàiseanta a chumail san Òban anns na bliadhnaichean 1892 (b’ e siud a’ chiad Mòd riamh), 1893, 1894, 1898, 1906, 1920, 1926, 1934, 1953, 1962, 1970, 1978, 1992, 2003, 2009 agus 2015.

Bailtean Co-cheangailte

• Laurinburg (North Carolina)^[1]