Beinn Hòb

'S e beinn ann an Dùthaich MhicAoidh a tha ann am Beinn Hòb (Beurla: Ben Hope). ^[1] Tha i faisg air Allt-na-h-Eirbhe agus deas air Tunga. 'S e seo na co-chomharran aice: 58° 24′ 48.78″ Tuath agus 4° 36′ 31.46″ Iar.

Beinn Hòb
Beinn Hòb
Àirde (m)	927
Àirde (tr)	3,041
air liosta	Beinn Rothaich
Suidheachadh
Beinn Hòb (Alba)
Suidheachadh	Dùthaich Mhic Aoidh
Mapa cumadh-tìre	Landranger 9
Comharradh-clèithe	NC47765017

Tha i 927 meatair (3,041 troigh) a dh’àirde, agus 's e Beinn Hòb a' Bheinn Rothaich as fhaide tuath ann an Alba. Tha an t-ainm a' tighinn bhon seann Lochlannais hóp, agus 's ann bhon fhacal sin a thàinig am facal Gàidhlig òb^[2].

Mar as trice bithear a' dèanamh air a' bheinn seo bho Mhuiseal air an rathad eadar Altnahara agus Òb. Mar as trice bithear a' gabhail an aon slighe sìos, agus cha bhithear ga ceangal le beinn eile.^[3]

Bhon mhullach gheibhear seallaidhean air Loch Eriboll, Caolas Thunga, Asaint agus Beinn Chlìbric.

Ceanglaichean a-mach

Tha dealbhan ann an Wikimedia Commons cuideachd a tha ceangailte ris an aiste seo:

Beinn Hòb

• Iomraidhean nam mapaichean airson comharradh-clèithe: NC4761950161
• Beinn Hòb air Munromagic