César Gaviria Trujillo

’S e agus riochdaire dioplòmasach, eaconomaiche agus neach-poileataigs à Coloimbia a th’ ann an César Augusto Gaviria Trujillo (IPA:θesaɾ auˈɣusto ɣaˈβiɾja tɾuˈxiʝo, Pereira, 31 an Cèitean 1947).^[1] Bha e na cheann-suidhe na dùthcha eadar 1990 gu ruige 1994. Phòs e aig Ana Milena Muñoz Gómez à Pereira ann an 1978 agus rug i dithis duine-cloinne dha.^[2] 'S e boireannach uabhasach beairteach a bhuineas do theaghlach malairteach a th’ innte. An dèidh an oithigh fhàgail, bha Gaviria na dheasaiche aig a' phàipeir-naidheachd La Tarde ann am Pereira fhèin. Tha ainneart na dùthcha air buaidh mhòr a thoirt air na Gaviria: chaidh a bhràthair a thoirt am bruid le ceannarcaich ann an 1996^[3] agus chaidh a phiuthar a mharbhadh ann an 2006.^[4]

César Gaviria Trujillo
ball Seòmar Riochdairean Choloimbia Sgìre: Risaralda (en) ambassador of Colombia (en) Minister of Finance and Public Credit (en) 7 dhen Lùnastal 1986 - 17 dhen Ògmhios 1987 28. Ceann-suidhe Choloimbia 7 dhen Lùnastal 1990 - 7 dhen Lùnastal 1994 ← Virgilio Barco Vargas - Ernesto Samper → Àrd-rùnaire Buidheann nan Stàitean Aimeireaganach 1994 - 2004 ← Baena Soares (en) - Miguel Ángel Rodríguez Echeverría (mul) →
Beatha
Breith	Pereira, 31 dhen Mhàrt 1947
Dùthaich	Coloimbia
Teaghlach
Cèile	Ana Milena Muñoz Gómez (en)
Clann	liosta Simón Gaviria Muñoz (en)
Bràithrean ⁊ peathraichean	liosta Liliana Gaviria Trujillo (en) Luis Fernando Gaviria Trujillo (en)
Foghlam
Foghlam	Oilthigh nan Andes
Cànain	Spàinntis
Dreuchd
Dreuchd	dioplomat, neach-poileataigs agus eaconamaiche
Duaisean a fhuaras	liosta Collar of the Order of Isabella the Catholic‎  (1992) honorary doctor of the University of Miami  (12 dhen Chèitean 1995) Grand Cross, Special Class of the Order of the Sun of Peru
Ballrachd	Club of Rome (en)
Creideamh
Pàrtaidh poileataigeach	Pàrtaidh Libearalach Choloimbia

‘S e ball a’ Phàrtaidh Libearalaich Choloimbia a th’ ann an Gaviria Trujillo agus tha e air a bhith an lùib poileataigs aig àrd ìre fad a bheatha. Thoisich e mar chomhairliche ann am Pereira ann an 1970, nuair a bha e dìreach 23 bliadhna a dh'aois. Chaidh a thaghadh na bhall-pàrlamaid ann an 1974 agus bha e na ionmhasair eadar 1986 gu 1987 agus na Rùnaire na Dùthcha bho 1987 gu ruige 1989 fo Virgilio Barco Vargas. Bha Gaviria Trujillo gu math dlùth air Luis Carlos Galán, a chaidh a mharbhadh ann an Soacha le Pablo Escobar ann an 1989.^[5] Theab Escobar Gavria a mharbhadh cuideachd nuair a chuir na daoine aige boma air pleàna, ach cha do deach Gavria air.^[6] Nuair a bha Gaviria na cheann-suidhe rinn a mòran an aghaidh luchd-reic dhrogaichean ann am Medellín agus Cali: chaidh Pablo Escobar dhan phrìosan (ann an Envigado) agus chuir am Poileas gu bàs e nuair a theich e. A thuilleadh air sin, chuir Gaviria Bun-reachd ùr an gnìomh.^[7]