Flòraidh NicNèill

Bha Flòraidh NicNèill (Beurla: Flora MacNeil) (6 an Dàmhair 1928–15 an Céitean 2015)^[1] ’na seinneadair Gàidhlig a rugadh agus a thogadh ann an Eilean Bharraigh. Rugadh i air an Leideig, faisg air Bàgh a' Chaisteil, ann an 1928. Bha seinneadairean air gach taobh dhen teaghlach, ach bhiodh i fhèin ag ràdh gur ann bho thaobh a màthar gu sònraichte a thug i am beartas òran a bha aice.

Flòraidh NicNèill
Beatha
Breith	Leideag, 6 dhen Dùbhlachd 1928
Dùthaich	Alba
Bàs	15 dhen Chèitean 2015
Teaghlach
Clann	liosta Maggie MacInnes (en)
Foghlam
Cànain	Beurla Gàidhlig
Dreuchd
Dreuchd	seinneadair
Duaisean a fhuaras	liosta Ball Òrd Impireachd Bhreatainn
Inneal-ciùil	guth

Chaidh i a dh'obair a Dhùn Èideann anns na bliadhnaichean às dèidh an Dàrna Cogaidh. Chlàr i mòran de dh’òrain do Sgoil Eòlais na h-Alba, ’s ghabh luchd-clàraidh leithid Hamish Henderson agus Alan Lomax ùidh shònraichte innte anns na 1950an. Dh'fhàs Flòraidh fìor ainmeil tro na bliadhnaichean airson a guth agus airson a dòigh seinn - an dà chuid am measg nan Gàidheal agus na b' fharsainge. A bharrachd air rèidio, telebhisean agus àrd-ùrlar ann an Albainn fhéin, sheinn i tric air feadh na Roinn Eòrpa agus an Aimeireagaidh.