Iași

'S e baile mòr eadar Chişinău agus Piatra Neamț, air an àirde an ear-thuath Romàinia a th' ann an Iași (IPA: ˈˈjaʃʲ, seann ainm: Târgul Ieșilor, Turcais: Yaş, Gearmailtis: Jassenmarkt, Ungairis: Jászvásár). Tha e suidhichte ri taobh na h-Aibhne Bahlui, aig 60m cionn ìre na mara, san t-siorrachd (Romàinis: Județ) Iași. Tha 290,422 duine a' fuireach ann.^[1] 'S e an dàrna baile as motha na dùthcha 's ann.

Iași Yaş Jassenmarkt Jászvásár Gearradh-arm no Seula
Suidheachadh
Dùthaich	Romàinia
Ceàrn	Iași
Co-chomharran	47° 09 25' Tuath 27° 35 25' Ear
Feartan fiosaigeach
Farsaingeachd	93.9 km²
Àireamh-shluaigh	290,422 (2011)
Dlùths	3,092.89/km²
Àireamh fòn	+40 02 32
Duilleag oifigeil	Duilleag Oifigeil

Eachdraidh

'S ann à ainm treubh Sarmatae air an robh Iasyx 's a th'ann an t-ainm. B' iad seo a shabaid an aghaidh Mharcus Aurelius. Chaidh am baile a chlàradh airson a' chiad turais ann an 1408. Thug Tatari, feachdan Impireachd nan Otomanach, Cosacaich agus Arm na Pòlainne ionnsaigh air Iași ochd tursan eadar 1513 agus 1686. Bha e na phrìomh-bhaile Țara Moldovei bho 1564 gu ruige 1859, an uair sin Principatele Unite gu ruige 1862 agus, aig àm A' Chogaidh Mhòir, prìomh-bhaile Romàinia eadar 1916 agus 1918.^[2] Bha cultair Iùdhach uabhasach fhèin làidir ann an Iași ron chogadh. Ann an 1900 b' e Iùdhaich a bh' ann suas gu 51% muinntir a' bhaile. Rinneadh pogrom orra air 29 an t-Ògmhios 1941, agus an uair sin rinn an Uile-losgadh an còrr. Thug plèanaichean-cogaidh an Aonaidh Sobhiataich ionnsaigh air a' bhaile air 26 an t-Ògmhios agus 28 an t-Ògmhios 1941.^[3] Thuit Iași gu feachdan an Aonaidh Sobhiataich air 29 an Lùnasdal 1944, aig deireadh An Dàrna Cogaidh.

Daoine ainmeil

• Paul Ackerman (1908 - 1981)^[4]

Bailtean co-cheangailte

• Athens
• Chernivtsi
• Chişinău
• Chernivitsi
• Ilioupolis
• Isfahan
• Jericho
• Monterrey
• Padova
• Peristeri
• Poitiers
• Sant'Oreste
• Veliko Tarnovo
• Villeneuve-d’Ascq
• Vinnytsia
• Xi'an