Rinn Friù

'S e baile ann an Alba meadhonach a tha ann an Rinn Friù. Tha e faisg air Glaschu.

Rinn Friù
Rinn Friù - talla a' bhaile
Suidheachadh
Rinn Friù (Alba)
Dùthaich	Alba
Co-chomharran	55° 52′ 45″ T 4° 23′ 12″ I
Comharradh-clèithe	NS 507 676
Feartan fiosaigeach

Chaidh a stèidhicheadh le Daibhidh I na h-Alba anns na 1140an is builich e gu Walter FitzAlan, Àrd-stiùbhard na h-Alba e.^[1] Chaidh caisteal a thogail ann an Innis an Rìgh le Fitz-Alan anns an 12mh linn, agus caistealan eile air an aon làrach anns an 13mh agus anns an 15mh linn. Cheannaich Andrew Spiers an làrach anns an 18mh linn is sgrios e an caisteal, agus e a' chleachdadh an stutha airson Taigh Ach na Feàrna.^[2]

Aiseag

Faic Aiseag Rinn Friù airson barrachd fiosrachaidh.

Bha seirbheis aiseig chudromach eadar Rinn Friù agus Eochair air an abhainn Chluaidh. Bha còir aiseig tè de na pribhleidean a thug Seumas VI dha anns a' chairt ann an 1614. Nochd a' chiad aiseag-smùide ann an 1865. An dèidh do ghàrraidhean-shoithichean a dhùnadh is do Dhrochaid Arasgain fhosgladh chaidh an aiseag na aiseag choisichean ann an 1984.^[3]

Rèile

Ged a bha loidhnichean eadar Glaschu is Rinn Friù agus eadar Pàislig agus Cidhe-bathair Rinn Friù,^[4] 's e am baile as motha às aonais stèisean-rèile ann an Alba a tha ann an Rinn Friù.^[5]

Bha còig stèiseanan-rèile ann an Rinn Friù, mar eisimpleir Rinn Friù a Deas air an loidhne Phàislig is Rinn Friù, a dh'fhosgail 1 Cèitean 1866 agus a dhùin 5 Ògmhios 1967.^[6] Bha stèiseanan air an loidhne Glaschu is Rinn Friù aig Innis an Rìgh agus ann am Porterfield a dh'fhosgail 1 Ògmhios 1903 agus a dhùin 19 Iuchar 1926.^[7][8] B' e an stèisean air cidhe agus an stèisean air Sràid Fhulbar a bha as sine ann an Rinn Friù.^[9][10]

Aistidhean ceangailte

• Siorrachd Rinn Friù