Seonaidh Ailig Mac a' Phearsain

B' e craoladair, bàrd agus leasaiche cànain a bha ann an Seonaidh Ailig Mac a' Phearsain (Beurla:^[1] John Alick MacPherson).

Seonaidh Ailig Mac a' Phearsain
Beatha
Breith	An Tòb, dhen t-Samhain 1937
Dùthaich	Alba
Bàs	Eilean Cheap Bhreatainn, 31 dhen Lùnastal 2017
Foghlam
Foghlam	Oilthigh Dhùn Èideann Colaiste Chnoc Iòrdain
Cànain	Gàidhlig Beurla
Dreuchd
Dreuchd	Craoladair agus comhairliche
Fastaichean	BBC Scotland  (1964 -  1972)

Rugadh e sna Hearadh agus dh'imrich a theaghlach a dh' Uibhist a Deas nuair a bha e na bhalach òg. Bha e na oileanach aig Oilthigh Dhùn Èideann agus Colaiste Chnoc Iordàin. Thill e a dh'Uibhist agus theagaisg e Gàidhlig aig Sgoil Ceann a' Bhagh. Thoisich e a bhith e na chraoladair Gàidhlig ann an Glaschu ann an 1964. Ann an 1972 dh'imrich e do Chanada far an do dh'obair e ann an dàimh poblach. Thill e do dh'Alba sna 1990an far an do chaidh e na leas-stiùiriche Comataidh Craolaidh Gàidhlig. Chaochail e ann an Ceap Breatainn ann an 2017.^[2]

Litreachas

Bhuannaich e Crùn na Bàrdachd aig a' Mhòd Nàiseanta ann an 1961. Dheasaich e cruinneachadh sgrìobhaidhean de Donnchadh Blàrach còmhla ri Mìcheal Linkletter.^[3]