Ward Hill (Hòigh)

'S e beinn ann an Alba a th' ann an Ward Hill.

Ward Hill (Hòigh)
Àirde (m)	481
Àirde (tr)	1578
Àirde rinneach (m)	481
air liosta	Marilyn
Suidheachadh
Ward Hill (Hòigh) (Alba)
Suidheachadh	Arcaibh
Mapa cumadh-tìre	OS Landranger (6, 7) OS Explorer (462)
Comharradh-clèithe	HY228022

Suidheachadh

Tha Ward Hill suidhichte aig ceann a tuath eilean Hòigh ann an Arcaibh. Tha e na laighe eadar Moaness agus Rackwick. Tha Ward Hill 481m (1578 troigh) de dh'àirde agus mar sin 's i a' bheinn as àirde ann an Arcaibh.^[1] Air mullach na beinne chithear càrn mòr mu 12m iar air a’ charragh triantanachaidh, a’ comharrachadh a’ phuing as àirde. Tha crann-sgaoilidh ann cuideachd. 'S e Marilyn a th' ann.

Air sgàth 's gu bheil àirde nam beann ag atharrachadh tro ùine, tha buidhnean eadar-dhealaichte gam measach bho àm gu àm. Rinneadh an t-ath-sgrùdadh mu dheireadh air Ward Hill air 15 am Faoilleach 2003 agus chaidh na tomhasan a chruinneachadh air liosta a tha ri fhaighinn air an làrach-lìn "Database of British and Irish hills".^[2]

Tha an àirde rinneach a' sgaradh Ward Hill glè mhath bho na beanntan eile, leithid Cuilags agus Knap of Trowieglen.

Freumh an ainm

Tha an t-ainm "Ward Hill" a' tighinn bhon fhacal Lochlannais "varði" a tha a' ciallachadh tùr-rabhaidh. Nochdaidh e an-diugh mar "-ward" neo "-wart" ann an ainmean-àite Arcaibh. Gu eachdraidheil bha e cumanta airson a' bheinn as àirde anns an eilean air sgàth 's gum b' e sin an t-àite a b' fheàrr gus teine-rabhaidh a lasadh.^[3]

Fiadh-bheatha

Ged nach eil mòran craobhan dùthchasail rim faicinn ann an Hòigh, tha caorainn, calltainn (Corylus avellana), crithinn, beithean (Betula pubescens) is seilich (Salix atrocinera) a' fàs fhathast air na leargaidhean Ward Hill.^[4]