Aeroporto Internacional O'Hare
From Wikipedia, the free encyclopedia
O Aeroporto Internacional Chicago O'Hare (IATA: ORD, ICAO: KORD, FAA LID: ORD), tamén coñecido como Aeroporto O'Hare, Aeroporto Internacional de Chicago, Chicago O'Hare, ou sinxelamente O'Hare, é un aeroporto internacional situado no noroeste de Chicago, Illinois, a 27 km do centro da cidade. É o principal aeroporto que serve á área metropolitana de Chicago, xunto co Aeroporto Internacional Midway, que se atopa a uns 16 km máis preto do centro e que serve como aeroporto secundario. Está operado polo Departamento de Aviación da cidade de Chicago.[1]
Aeroporto Internacional O'Hare Chicago O'Hare International Airport | |||
---|---|---|---|
Sumario | |||
Tipo | público | ||
Propietario | cidade de Chicago | ||
Operador | Chicago Department of Aviation | ||
Cidade/Illa | Chicago, Illinois | ||
Localización | Chicago, Illinois | ||
Elevación (msnm) | 204 metros / 668 pés | ||
Coordenadas | |||
Web | http://www.flychicago.com/ohare | ||
Pista(s) | |||
Dirección | Longo | Superficie | |
metros | pés | ||
4L/22R | 2 286 | 7 500 | asfalto |
4R/22L | 2 461 | 8 075 | asfalto |
9L/27R | 2 286 | 7 500 | cemento |
9R/27L | 2 428 | 7 967 | asfalto/cemento |
10R/28L | 2 286 | 7 500 | cemento |
10C/28C | 3 292 | 10 801 | cemento |
10L/28R | 3 962 | 13 000 | asfalto/cemento |
15/33 | 2 952 | 9 686 | asfalto/cemento |
Estatísticas (2016) | |||
Pasaxeiros | 77 960 588 | ||
Movementos | 867 635 | ||
Carga (toneladas) | 1 726 361,6 | ||
O'Hare foi o aeroporto máis concorrido do mundo en número de operacións no ano 2014, por diante do Aeroporto Internacional Hartsfield-Jackson, que mantivo ese título dende 2005 ata 2013; porén no ano seguinte Atlanta volveu a superalo. Ata 1998 O'Hare tamén foi o aeroporto máis concorrido do mundo en número de pasaxeiros; foi superado principalmente debido aos límites impostos no aeroporto polo goberno federal para reducir os atrasos nos voos.[2] En 2016 O'Hare foi o sexto aeroporto máis concorrido do mundo en número de pasaxeiros, o terceiro dos Estados Unidos, e o máis concorrido do Medio Oeste. O'Hare ten oito pistas de aterraxe,[3] máis que calquera outro aeroporto internacioanal.[4]
En xaneiro de 2017 O'Hare tiña servizos directos a 208 destinos, incluídos 153 domésticos nos Estados Unidos e 55 internacionais cara Norteamérica, Suramérica, Asia e Europa, facendo del unha porta de entrada internacional a gran parte do medio oeste estadounidense.[5] O'Hare atópase entre un selecto grupo de aeroportos de todo o mundo coa distinción de ter servizos a máis de 200 destinos, xunto con Heathrow, Frankfurt, Atatürk, Ámsterdam, Charles de Gaulle, Atlanta, Dallas/Fort Worth, Múnic e Dubai.
O'Hare serve como un gran centro de conexións para United Airlines e American Airlines, ademais de facelo para a aeroliña rexional Air Choice One, e é unha cidade focal para Frontier Airlines[6] e Spirit Airlines. É o centro de conexións máis grande de United Airlines tanto en pasaxeiros transportados anualmente (16,6 millóns en 2016) e en voos diarios (585 de media).[7] Tamén é o terceiro centro de conexións máis grande de American Airlines, despois do Aeroporto Internacional de Dallas-Fort Worth e do Aeroporto Internacional de Charlotte-Douglas, con 527 voos diarios a 120 destinos.[8]
O'Hare foi votado como o "mellor aeroporto de Norteamérica" durante 10 anos polas revistas Business Traveler Magazine (1998–2003) e Global Traveler Magazine (2004–2007).[9][10] Pola outra banda, a lista da revista Travel + Leisure das "Cidades favoritas dos Estados Unidos" (2009) sitúan ao sistema aeroportuario de Chicago (O'Hare e Midway) como o segundo peor en atrasas, despois do sistema de aeroportos de Nova York (JFK, Newark Liberty e LaGuardia).[11] O'Hare acumula case o 20% dos atrasos e cancelacións de voos do país.[12]