Alfonso Penela - Wikiwand
For faster navigation, this Iframe is preloading the Wikiwand page for Alfonso Penela.

Alfonso Penela

Na Galipedia, a Wikipedia en galego.

Alfonso Penela
Nacemento1955
 Vigo
NacionalidadeEspaña
Alma máterUniversidade Politécnica de Cataluña
Ocupaciónarquitecto e mestre
PremiosConcurso do COAG en Vigo, Concurso Nacional Expopiedra, Premio GranDeArea de Achega a Arquitectura, Concurso VI Premios Irmáns Gómez Román de Arquitectura e Urbanismo, Premio Enor, Premio Juana de Veiga de Arquitectura, Premio Gran de Area de Achega a la Arquitectura
editar datos en Wikidata ]

Alfonso Penela Fernández, nado en Vigo en 1955, é un arquitecto galego.

Traxectoria

Obtivo o título de Arquitecto na ETSA de Barcelona no ano 1980. Na actualidade é profesor do Departamento de Proxectos Arquitectónicos da Escola Técnica Superior de Arquitectura da Coruña.

A obra de Alfonso Penela aparece inscrita nunha liña de constante busca dunha linguaxe arquitectónica galega que afunda as súas raices no coñecemento da tradición construtiva e na análise das achegas das xeracións precedentes dende a independencia, unha constante na súa obra.

Os seus proxectos responden basicamente a unha vocación experimental baseada en formulacións que unen o Movemento Moderno con elementos de orde plural que deixan adiviñar a preferencia polas novidades formais, así como polo equilibrio e pola orde compositiva, como na vivenda unifamiliar en Aldán (Cangas). A constante atención que demostra respecto ás cuestións técnicas e estruturais vese incrementada polas súas inquedanzas respecto ás compoñentes funcionais que o levan a traballar cun amplo abano de propostas e variantes, tanto nos proxectos para vivendas, coma nas súas intervencións en espazos públicos ou centros docentes, coma a Facultade de Ciencias Empresaiais e Económicas da cidade de Vigo.

Este arquitecto concibe os edificios como un conxunto de volumes articulados no que as calidades dos materiais e a manipulación de luces e sombras cobran unhas importancia decisiva. Os espazos, de volumetría fraccionada establecen un interesante diálogo con contorno, coma no caso do Pavillón Polideportivo de Manzaneda, mediante o emprego de sutís contrastes e revisións permanentes dos usos da linguaxe. A súa obra non pode encadrarse nunha soa liña senón que pendula entre diferentes estilos dun xeito arbitrario producindo unha falta de linguaxe formal que articule a súa produción. Poden destacarse como referentes arquitectónicos tanto a Zaha Hadid, Herzog e de Meuron ou Miralles e pola vía lusa Álvaro Siza , Paulo Mendes da Rocha ou Souto de Moura.[Cómpre referencia]

Facultade de Ciencias Económicas. Campus Lagoas-Marcosende.
Facultade de Ciencias Económicas. Campus Lagoas-Marcosende.

Obras destacadas

Premios e distincións

  • 1984, Concurso do COAG en Vigo.
  • 1992, Concurso Nacional Expopiedra.
  • 2001, Premio GranDeArea de Achega á Arquitectura.
  • 2001, Concurso VI Premios Irmáns Gómez Román de Arquitectura e Urbanismo.
  • 2006, Premio Enor.
  • 2009, Premio Juana de Veiga de Arquitectura.
  • 2014, Premio Gran de Area de Achega á Arquitectura.[5]

Galería

  • Rectoría do Campus de Vigo.
    Rectoría do Campus de Vigo.
  • Edificio Citexvi no Campus de Vigo.
    Edificio Citexvi no Campus de Vigo.
  • Outra vista do edificio Citexvi.
    Outra vista do edificio Citexvi.
  • Centro de Saúde A Doblada en Vigo.
    Centro de Saúde A Doblada en Vigo.
  • Residencia de estudantes da Universidade de Vigo.
    Residencia de estudantes da Universidade de Vigo.
  • Sede do Instituto Camões en Vigo, reformado por Alfonso Penela.
    Sede do Instituto Camões en Vigo, reformado por Alfonso Penela.

Notas

  1. Obradoiro, COAG, 1993, Santiago de Compostela, nº22, pp. 11 e 112-123. ISSN 0211-6065.
  2. Documentos de arquitectura nº 42. (1999). Delegación de Almería del Colegio Oficial de Arquitectos de Andalucía Oriental. ISSN 0214-9249
  3. Descrición e imaxes do Pavillón polideportivo, www.turgalicia.es.
  4. "Ciudad de la Justicia de Vigo | El "Pirulí" renace como Torre de la Justicia y la Xunta cree que operará "en tiempo récord"". Faro de Vigo (en castelán). 
  5. "El Registro de la Propiedad gana el premio de los arquitectos". Atlántico (en castelán). 

Véxase tamén

Bibliografía

  • Documentos de arquitectura nº 42. (1999). Delegación de Almería del Colegio Oficial de Arquitectos de Andalucía Oriental. ISSN 0214-9249.
  • Arquitecturas de autor nº 29. (2004). T6 Ediciones. Pamplona. ISBN 84-89713-84-7.
  • Obradoiro, COAG, 1993, Santiago de Compostela, nº22, pp. 11 e 112-123. ISSN 0211-6065.
{{bottomLinkPreText}} {{bottomLinkText}}
Alfonso Penela
Listen to this article