Canción do verán
From Wikipedia, the free encyclopedia
Recibe o nome de canción do verán aquela ou aquelas cancións comerciais que máis impacto provoca nos medios de comunicación así como na na sociedade durante os meses do verán. Polo xeral, son cancións con retrousos pegadizos, moi bailables, e son as máis difundidas con diferenza en tódolos medios de comunicación audiovisual, así como en bares, discotecas, e orquestras nas verbenas. Non existe ningún organismo que as teña chamado así de xeito oficial, pero as cancións do verán son coñecidas por esa denominación polo conxunto da sociedade e os medios de comunicación.