![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2d/Michel_Sittow_004.jpg/640px-Michel_Sittow_004.jpg&w=640&q=50)
Concordia de Villafáfila
tratado no que se recoñecia a incapacidade da raíña Xoana a Tola para reinar / From Wikipedia, the free encyclopedia
A Concordia de Villafáfila é un acordo asinado o 27 de xuño de 1506 na localidade de Villafáfila por Fernando o Católico, e ao día seguinte en Benavente por Filipe o Fermoso, marido de Xoana I de Castela (coñecida co sobrenome de Xoana a Tola).[1]
![Thumb image](http://upload.wikimedia.org/wikipedia/commons/thumb/2/2d/Michel_Sittow_004.jpg/640px-Michel_Sittow_004.jpg)
![Thumb image](http://upload.wikimedia.org/wikipedia/commons/thumb/7/7f/Juan_de_Flandes_%28%5E%29%2C_%2C_Kunsthistorisches_Museum_Wien%2C_Gem%C3%A4ldegalerie_-_Philipp_der_Sch%C3%B6ne_%281478-1506%29_-_GG_3872_-_Kunsthistorisches_Museum.jpg/640px-Juan_de_Flandes_%28%5E%29%2C_%2C_Kunsthistorisches_Museum_Wien%2C_Gem%C3%A4ldegalerie_-_Philipp_der_Sch%C3%B6ne_%281478-1506%29_-_GG_3872_-_Kunsthistorisches_Museum.jpg)
Mediante este tratado recoñecíase a incapacidade da raíña Xoana para reinar debido ao seu alleamento mental. Filipe o Fermoso quedaba como único rei de Castela. Fernando o Católico, que ata entón viña exercendo como gobernador de Castela en virtude do indicado no testamento de Isabel a Católica (12 de outubro de 1504)[2] e do acordado con Xoana e Filipe na Concordia de Salamanca (24 de novembro de 1505), retirábase aos seus reinos de Aragón. A cambio, Fernando recibía as rendas das tres ordes militares castelás que foran patrimonializadas na década anterior (Calatrava, Santiago e Alcántara) e unha porcentaxe non especificada das rendas das Indias Occidentais (a metade, segundo algunhas fontes)[3].
A vixencia do acordo foi breve, como consecuencia do falecemento de Filipe o fermoso o 25 de setembro de 1506. Fernando o Católico volveu asumir o goberno de Castela como rexente da súa filla Xoana, dado que o fillo primoxénito de Xoana e Filipe (o futuro Carlos V) tiña cinco anos de idade.