![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f8/Desmosome_cell_junction_gl.svg/langgl-640px-Desmosome_cell_junction_gl.svg.png&w=640&q=50)
Desmosoma
From Wikipedia, the free encyclopedia
Os desmosomas (do grego desmos, banda, e soma, corpo) ou macula adhaerens (tamén escrito macula adherens, do latín mancha adherente), son un tipo de unión celular entre dúas células mediada polas proteínas cadherinas (desmogleína e desmocolina) e os filamentos intermedios (queratina) da célula.
![Thumb image](http://upload.wikimedia.org/wikipedia/commons/thumb/f/f8/Desmosome_cell_junction_gl.svg/320px-Desmosome_cell_junction_gl.svg.png)
![Thumb image](http://upload.wikimedia.org/wikipedia/commons/thumb/8/80/Desmosome_-_2.png/320px-Desmosome_-_2.png)
Cómpre distinguir entre:
- Macula adhaerens ou desmosoma puntual, que son os desmosomas illados descritos neste artigo, que están espallados na parte lateral das células.
- Zonula adhaerens ou desmosoma en banda, distintos aos anteriores, que son determinadas zonas da célula nas que hai agrupacións de moitas estruturas parecidas a desmosomas que rodean a célula, e que se tratan noutro artigo.
- Hemidesmosomas, que son bastante diferentes e unen unha célula con fibras da matriz extracelular, e que tamén se describen no seu artigo correspondente.
Os desmosomas axudan a resistir forzas de cizalla e atópanse en epitelios como o epitelio escamoso simple e o espitelio escamoso estratificado e no tecido muscular. Os desmosomas unen as dúas células veciñas deixando un espazo intercelular moi amplo (duns 30 nm).