A fumarase ou fumarato hidratase é un encima que cataliza a hidratación/deshidratación reversible do fumarato para dar malato. A fumarase aparece en dúas formas ou isoencimas: mitocondrial e citosólica. O isoencima mitocondrial intervén no ciclo de Krebs, e o isoencima citosólico está implicado no metabolismo de aminoácidos e do fumarato. A localización subcelular está establecida pola presenza no encima dunha secuencia sinal no extremo amino terminal na forma mitocondrial, mentres que esa secuencia está ausente na forma citosólica.[1]
Datos rápidos Fumarato hidratase, Identificadores ...
Pechar
Datos rápidos Identificadores, Símbolo ...
Fumarase |
---|
Identificadores |
---|
Símbolo | Fumarase |
---|
Pfam | PF05681 |
---|
InterPro | IPR004646 |
---|
Estruturas proteicas dispoñibles: |
---|
Pfam
| estruturas / ECOD
|
---|
PDB | RCSB PDB; PDBe; PDBj |
---|
PDBsum | resumo de estruturas |
---|
PDB | 1FUO, 1FUP, 1FUQ, 1FUR, 1KQ7, 1VDK, 1YFE, 1YFM, 2FUS, 2ISB, 3E04 |
---|
|
Pechar
O encima participa no ciclo do ácido cítrico normal (oxidativo), pero tamén no ciclo do ácido cítrico redutivo (fixación de CO2 en certas bacterias, na cal o ciclo vai no seu sentido inverso, é dicir, no sentido redutivo en vez de no oxidativo). As mutacións no xene deste encima foron asociadas co desenvolvemento de leiofibromiomas na pel e útero en combinación con carcinoma de célula renal.