Igrexa de Santa María Salomé de Santiago de Compostela

A igrexa de Santa María Salomé é un templo católico construído orixinariamente no século XII situado en Santiago de Compostela, Galiza. Considérase a única igrexa dedicada a Santa Salomé, nai do apóstolo Santiago.

Igrexa de Santa María Salomé de Santiago de Compostela
Fachada.
Datos xerais
País	España
Tipo	Igrexa parroquial
Advocación	Santa Salomé
Localización	Santiago de Compostela
Coordenadas	42°52′43″N 8°32′37″O
Culto
Culto	Católico
Diocese	Santiago de Compostela
Arquitectura
Construción	Século XII - século XVIII
Estilo	Románico, gótico e barroco
[ editar datos en Wikidata ]

Descrición

A igrexa foi construída orixinariamente baixo o impulso do bispo Diego Xelmírez no primeiro terzo do século XII. Desa época existen aínda algúns vestixios, como o pórtico románico, no que destaca o motivo central dunha imaxe da adoración do neno.

Do período gótico destacan principalmente dúas capelas situadas ao lado da nave principal, ao lado da epístola. A primeira destas capelas, máis preto da cabeceira, está dedicada á Virxe María. Segundo o investigador Caamaño, os seus fundadores e patrocinadores foron Lope de Losada e Teresa Gómez Mosquera; existen rexistros do acordo entre Dona Teresa e Sadornín Fernández sobre certos detalles sobre a capela, datados o 2 de maio de 1578. A capela contigua é da mesma época e, como a de Nosa Señora, é de planta rectangular e bóveda, alzada sobre mísulas, con cinco chaves e o mesmo tipo de arco de acceso. Lixeiramente posterior, o alpendre foi construído no inicio do século XVI. O adro ten un arco gótico á fronte e arcos de medio punto nos lados.

Alén da profusión de detalles propios da devoción mariana, os estudosos citan tamén como elemento interesante na igrexa a torre barroca, finalizada no século XVIII. Por causa dos seus trazos vigorosos, segundo Ramón Otero Pedrayo, a igrexa de Santa María Salomé foi «comparada a unha moza aldeá garrida e piadosa nun paseo das damas aristocráticas.»

Tras unhas investigacións descubriuse que esta igrexa formaba parte dun claustro gótico que agora o delimitan a igrexa, as casas parroquiais e as tendas da rúa Nova.^{[Cómpre referencia]}

Véxase tamén

Bibliografía

• Castillo, Ángel del (1987) [1972]. Inventario monumental y artístico de Galicia. A Coruña: Fundación Barrié. pp. 549–550. ISBN 84-85728-62-9.
• Castro Fernández, M.ª Belén. Francisco Pons-Sorolla y Arnau, arquitecto-restaurador: sus intervenciones en Galicia (1945-1985) (tese de doutoramento) (en castelán). USC. pp. 317–317.

Wikimedia Commons ten máis contidos multimedia na categoría:  Igrexa de Santa María Salomé de Santiago de Compostela

Ligazóns externas

• Patrimonio Galego
• Centro Virtual Cervantes(en castelán)
• "Iglesia románica de Santa María de Salomé en Santiago de Compostela" (en castelán). www.arteguias.com. Consultado o 1/8/2013.
• "Compostela tiempo libre. La iglesia de Santa María de Salomé". Magazine Araguaney (en castelán). 1/1/2009. Consultado o 1/8/2013.