Linguas oceánicas
subgrupo das linguas austronesias / From Wikipedia, the free encyclopedia
As linguas oceánicas son un subgrupo das linguas austronesias formado por unhas 450 linguas. A área ocupada polos seus falantes comprende a rexión das illas do Pacífico de Oceanía, na Polinesia, Micronesia e Melanesia (sen incluír a maior parte de Nova Guinea).
A pesar da área, as linguas oceánicas son empregadas por algo menos de 2 millóns de persoas. As máis faladas son o samoano, cuns 300.000 falantes, e o fidxiano oriental, con 500.000.
O devanceiro común, o cal está reconstruído, denomínase proto-oceánico (POc).