Noja

Noja é un concello da comunidade autónoma de Cantabria, situado na comarca de Trasmiera. Limita polo norte co Mar Cantábrico, polo oeste e o sur con Arnuero, polo sur con Argoños e polo leste con Santoña. O municipio de Noja non se organiza en localidades, senón que consta só de varios barrios, sendo sede do consistorio o barrio de Palacio.

Noja

Localización
43°28′53″N 3°31′07″O
Estado	España
Comunidade autónoma	Cantabria
Capital de	Vilaflores
Capital	Noja (en)
Poboación
Poboación	2.741 (2023) (297,93 hab./km²)
Xeografía
Superficie	9,2 km²
Bañado por	Mar Cantábrico
Altitude	10 m
Comparte fronteira con	Arnuero Argoños Santoña
Identificador descritivo
Código postal	39180
Fuso horario	UTC+01:00
Código INE	39047
Páxina web	ayuntamientodenoja.com

Historia

Noja pertenceu desde o século IX até 1834 á Junta de Siete Villas, unha das cinco xuntas que compoñían o Meiriñado de Trasmiera. Un feito destacable da historia local é que en 1644 Noja recibiu de Filipe IV o título de vila, o que lle permitiu ser independente desta xunta e capacitada para nomear os seus propios alcaldes.

Desde finais do século XIX Noja é famosa como destino turístico e actualmente, o turismo é a principal actividade económica, que multiplica a poboación municipal até chegar aos 100.000 habitantes no verán grazas aos visitantes chegados principalmente do País Vasco, A Rioxa, Madrid e Castela e León. A explicación á chegada de tantos turistas débese ás praias do municipio e á masiva construción de novas vivendas, que fóra de tempada fican deshabitadas.

Vista da praia de Trengandín, con Helgueras e El Brusco ao fondo.

Vista de Noja desde a praia de Tregandín.

Barrios

Noja constitúese nunha soa localidade homónima, que á súa vez se divide en diversos barrios, que son:

El Arco. Helgueras. El Brusco. Cabanzo. Ris. Trengandín.

Castrejón. Fonegra. La Rota. Palacio. Pedroso.

Patrimonio

Ten catro bens de interese cultural, todos con categoría de monumento:

• Torre dos Velasco.
• Casa para Obdulia Bonifaz (Palacio do Marqués de Albaicín).
• Casa palacio de Zilla.
• Muíño de Victoria, na marisma de Victoria, que serviu para xerar enerxía coas augas das marismas.

Ademais, son bens inventariados:

• Casona de Assas.
• Chalé para Manuel Morales.
• Casa-palacio de Venero, onde viviu Francisco de Venero Cabanzo, construída no século XVII.
• Ermida de San Xoán.
• Ermida de San Nicolás.
• Ermida de San Pedro.

Tamén cabe destacar:

• Palacio Torre do Carme.

  

  Vista portalada do Palacio Torre do Carme, entre Fonegra e Cabanzo; claramente deteriorado.

Recursos naturais

As Marismas de Santoña, Victoria e Joyel, situada cada unha nun extremo do municipio, son un grande atractivo como reserva natural e para as aves, que tamén recalan nas marismas de Santoña nas súas migracións.

Economía

Un 3,3 % da poboación do municipio emprégase no sector primario, un 33 % na construción, un 11,5 % na industria e un 52,2 % no sector terciario. No municipio a taxa de actividade é do 51,7 % e a taxa de paro é do 17 %, cando a media en Cantabria é de 52,5 % e 14,2 % respectivamente.

Demografía

Evolución demográfica

1900	1910	1920	1930	1940	1950	1960	1970	1980	1990	2000	2007
655	641	786	940	983	980	1.058	1.170	1.273	1.609	2.019	2.425

Fonte: INE

Administración

As seguintes táboas mostran os resultados das eleccións municipais celebradas en 2003 e 2007.

Eleccións municipais, 25 de maio de 2003 Partido Votos % Concelleiros PP 692 43,66 % 5 PRC 314 19,81 % 2 PSOE 267 16,85 % 2 UCn 147 9,27 % 1 AJN 139 8,77 % 1 Alcalde electo: Jesús Díaz Gómez (PP).

Eleccións municipais, 27 de maio de 2007 Partido Votos % Concelleiros PP 707 43,53 % 6 DICAN 255 15,70 % 2 PSOE 248 15,27 % 2 PRC 232 14,29 % 1 Alcalde electo: Jesús Díaz Gómez (PP).

Véxase tamén

Wikimedia Commons ten máis contidos multimedia na categoría:  Noja