![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b4/Der_Tempel_zu_Karnak_-_Payne_nach_Pape.jpg/640px-Der_Tempel_zu_Karnak_-_Payne_nach_Pape.jpg&w=640&q=50)
Pilono
From Wikipedia, the free encyclopedia
O pilono é unha construción con forma de pirámide truncada, de grosos muros, que erixidos por pares, flanquean a entrada principal dos templos do antigo Exipto; no espazo deixado entre ambos atópase a porta de acceso.
![Thumb image](http://upload.wikimedia.org/wikipedia/commons/thumb/b/b4/Der_Tempel_zu_Karnak_-_Payne_nach_Pape.jpg/640px-Der_Tempel_zu_Karnak_-_Payne_nach_Pape.jpg)
Segundo a súa magnitude e importancia poden ir precedidos dun dromos, ou paseo de esfinxes, dous obeliscos, estatuas e estandartes. Tras eles xeralmente atópase un gran patio descuberto, ás veces porticado en varios dos seus lados. Aínda que son construcións macizas, adoitan albergar pasaxes e escaleiras para o seu mantemento. Están rematados por unha gola na súa coroación. Os seus paramentos decorábanse con baixorrelevos policromados que narraban fazañas dos faraóns.
Os máis monumentais e de maiores dimensións atópanse en Karnak, erixidos a partir do Imperio Novo.