Pomoloxía ou fruticultura (do latín pomum (froito) + -logia) é a rama da botánica que se especializa no estudo, a descrición, identificación e clasificación das froitas.
A investigación da pomoloxía céntrase principalmente no desenvolvemento das técnicas de cultivo e mais dos estudos fisiolóxicos nas árbores froiteiras. Os seus obxectivos son a mellora da árbore froiteira, incluíndo o incremento da calidade da froita, o regulamento dos períodos de produción, e a redución do seu custo.
A verba "Pomoloxía", moi empregada en linguas coma o inglés e mais francés, é menos empregada no galego. No canto, é máis frecuente o termo fruticultura, entendéndose por tal a ciencia que estuda o cultivo de especies lígneas e semilígneas produtoras de froitas, aplicando tecnoloxías baseadas en principios biolóxicos e fisiolóxicos, para obter un rendemento económico da actividade. A Fruticultura acolle ademais o estudo da mellora xenética das froiteiras e mais as técnicas para axeitar e mellorar a produción.
Orixe
Os primeiros libros sobre pomoloxía apareceron arredor do século XVIII. Estaban ricamente ilustrados e procedían principalmente de Alemaña e Francia.
Os primeiros pomólogos, Jean-Baptiste de La Quintinie (1624-1688), Johann Hermann Knoop (c.1700-1769) ou Henri Louis Duhamel du Monceau (1700-1782) non se dedicaron exclusivamente a describir as diferentes variedades de froitas, senón que, eles mesmos, traballaban na recuperación e conservación do patrimonio existente de vellas variedades históricas, ademais da mellora e a creación de variedades novas.
Pomólogos célebres
- Charles Downing.
- André Leroy.
- Jean-Baptiste Van Mons.
Véxase tamén
- Árbore froiteira.
- Froito.
- Pomo.
- Floricultura.
- Horticultura.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.