From Wikipedia, the free encyclopedia
Praha é unha área non incorporada do Condado de Fayette, en Texas (Estados Unidos), situada a aproximadamente 85 km ao sueste da capital do estado, Austin.
Localización | ||||
---|---|---|---|---|
| ||||
Estado | Estados Unidos de América | |||
Estado federado | Texas | |||
County of Texas (en) | Condado de Fayette (pt) | |||
A localidade actual recibiu orixinalmente o nome de Mulberry por parte dos primeiros colonos: James C. Duff, William Criswell e Leroy Criswell. Tamén foi coñecida como Hottentot.[1] a name which apparently referred to a band of local outlaws.)
En 1854 un inmigrante checo chamado Matiáš Novák comprou 100 acres (0,40 km²) de terra e construíu unha casa onde se comezaron a oficiar misas. A súa chegada atraeu a outros inmigrantes checos, incluídos Jan Baca, Josef Vyvjala, Ondřej Gallia, Josef Hájek, František Václ, e George Morýsek. En 1858 a vila foi renomeada como Praha, o nome local da capital checa, Praga.
A pequena vila foi medrando nas seguintes décadas. En 1865 Joseph Bithowski, un monxe cisterciense, construíu unha pequena igrexa, e na medianoite do día de Nadal oficiouse a primeira misa. En 1868 creouse unha escola pública, e na década dos '80 do século XIX a vila xa contaba con tres tendas, un restaurante, e unha nova igrexa que serviu como parroquia ás cidades circundantes. En 1884 abriuse unha oficina de correos, e en 1896 unha escola católica checa.
Praha comezou un declive gradual logo de 1873, cando a Southern Pacific Railroad decidiu pasar unha milla ao norte da cidade e Flatonia, unha nova cidade fundada preto das vías, comezou a albergar negocios fóra de Praha.
No seu momento de esplendor, Praha contaba con 700 habitantes, mais durante o século XX a súa poboación nunca chegou a superar os 100 habitantes, e en 1906 a oficina de correos pechou. Contra o ano 1968 a poboación caera ata os 25 habitantes e en 1973 pecharan as escolas parroquiais e públicas.
Porén, os fieis da zona continuaron a asistir ás misas na igrexa parroquial, na actualidade o edificio máis característico da vila. Este edificio neogótico finalizouse en 1892 e é o centro das celebracións anuais da Asunción de María, celebrado tódolos días 15 de agosto dende 1892. Coñecido actualmente como Praha Picnic, a celebración atrae a uns 5.000 visitantes para ver a súa tradicional polca e kolaches.
Durante a segunda guerra mundial Praha tivo o dubidoso honor de ser a vila dos Estados Unidos cunha maior proporción de mortes por residente. O maior número de mortes foi no ano 1944, cando morreron 9 soldados da vila. Tres pequenas capelas idénticas foron construídas en memoria das mortes.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.