Puerto Real

Puerto Real é un municipio andaluz, pertencente á provincia de Cádiz. Forma parte da Mancomunidade de Municipios Baía de Cádiz. No ano 2008 contaba con 39.648 habitantes. A extensión do seu termo municipal é de 197 km² e ten unha densidade de 202,33 hab/km². Atópase situado a unha altitude de 8 metros sobre o nivel do mar e a 12 quilómetros da capital da provincia, Cádiz.

Puerto Real

Localización
36°31′45″N 6°11′31″O
Estado	España
Comunidade autónoma	Andalucía
Provincia	Provincia de Cádiz
Capital	Puerto Real
Poboación
Poboación	42.069 (2023) (214,68 hab./km²)
Xeografía
Parte de	Q100593628 Mancomunidad de Municipios Bahía de Cádiz (en) Bay of Cádiz (en)
Superficie	195,96 km²
Bañado por	Océano Atlántico
Altitude	8 m
Comparte fronteira con	El Puerto de Santa María Chiclana de la Frontera Medina Sidonia Xerez da Fronteira San Fernando
Santo padrón	Sebastián
Organización política
• Alcaldesa	Elena Amaya León (en)
Identificador descritivo
Código postal	11510
Fuso horario	UTC+01:00
Código INE	11028
Páxina web	puertoreal.es

Xeografía

O termo municipal limita cos de San Fernando ao suroeste, Xerez da Fronteira ao norte, Chiclana de la Frontera ao sur, Medina Sidonia ao sueste e El Puerto de Santa María ao noroeste.

Unha boa parte deste termo municipal forma parte do Parque Natural da Baía de Cádiz que se caracteriza polas súas marismas, que se alagan periodicamente polas mareas, e pola abundancia de aves migratorias. Tamén dispón dunha cantidade importante de esteiros que se utilizan como técnica artesanal de piscicultura; así mesmo, ten piñeirais como Las Canteras, Algaida ou a Dehesa de las Yeguas. Febido a estes piñeirais, Puerto Real adoita denominarse o pulmón verde da Baía. O interior do termo municipal está percorrido por canellóns e carreiros que atravesan o municipio, entre eles destaca o corredor verde Dos Bahías, que une as dúas baías da provincia de Cádiz, a Baía de Cádiz e a Baía de Alxeciras.