Quereño, Rubiá
parroquia civil do concello de Rubiá From Wikipedia, the free encyclopedia
San Cristovo de Quereño é unha parroquia que se localiza no sueste do concello ourensán de Rubiá. Segundo o padrón municipal en 2013 tiña 132 habitantes (67 homes e 65 mulleres), 56 menos ca en 1999. Ten tres entidades de poboación.
| Quereño | |
|---|---|
 Igrexa parroquial | |
| Concello | Rubiá[1] |
| Provincia | Ourense |
| Coordenadas | 42°25′13″N 6°49′54″O |
| Poboación | 132 hab. (2013) |
| Entidades de poboación | 3[1] |
| [ editar datos en Wikidata ] | |
A parroquia está situada ao leste do concello de Rubiá, a carón da estrada N-536 que comunica a comarca de Valdeorras co Bierzo. Na parroquia está a estación de Quereño, da liña A Coruña-León.
Nesta estación abriuse en setembro de 1885 un lazareto por mor da epidemia de cólera que asolaba España, dado que esta era a primeira estación existente en Galicia (despois da parada de Covas) e o ferrocarril era un medio moi usado polos segadores galegos que ían en verán a Castela[2]. O lazareto estaba dirixido polo médico pontevedrés Bernardo López Cobián[3]. Do lazareto de Quereño fala Antón Ferreiro no periódico O Tio Marcos d'a Portela o 13 de setembro de 1885, na copla "Carta d'un segador á sua muller":
Maripepa d’a miña alma,
ainda as maus á boca levo
da gomitona que tiven
nantronte no lazareto.
Maxínate Maripepa,
qu’en canto entrei en Quereño
y aínda no wagon estábamos
com’as sardinas nun cesto (...)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
