![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/63/Blas%25C3%25B3n_de_los_Manuel.jpg/640px-Blas%25C3%25B3n_de_los_Manuel.jpg&w=640&q=50)
Señorío de Villena
From Wikipedia, the free encyclopedia
A base territorial do señorío de Villena estendeuse por unha ampla comarca limitada polo norte co alfoz da Cidade de Cuenca e polo sur co termo da Cidade de Murcia. Este territorio estruturouse fundamentalmente en dous centros políticos: a Terra de Alarcón, ao norte, e a Terra de Chinchilla, ao sur. E, arredor deles, agrupáronse outras vilas con extensións máis reducidas, entre elas, Iniesta, a Terra de Jorquera, Hellín, Tobarra, Almansa, Yecla, Sax e Villena, que, a pesar de conferirlle o nome ao señorío, ocupou unha situación periférica respecto a todo o conxunto. O señorío experimentou durante a súa duración cambios conxunturais externos, debido a anexión temporal dalgunha poboación próxima, como o caso de Villarrobledo, Lezuza, Munera, Jumilla ou Utiel no século XV, ou tamén polas perdas doutras Vilas.
![Thumb image](http://upload.wikimedia.org/wikipedia/commons/thumb/6/63/Blas%C3%B3n_de_los_Manuel.jpg/320px-Blas%C3%B3n_de_los_Manuel.jpg)
![Thumb image](http://upload.wikimedia.org/wikipedia/commons/thumb/1/12/Se%C3%B1or%C3%ADo_de_Villena_en_1340.png/640px-Se%C3%B1or%C3%ADo_de_Villena_en_1340.png)
Este conxunto señorial ten unha dobre orixe histórica, por un lado as poboacións da Terra de Jorquera, Hellín, Ves, Tobarra, Almansa, Yecla, Sax e Villena, pertenceron ao infante Manuel de Castela no século XIII, unidas a outras vilas alacantinas, de aí o de denominar este territorio Terra de don Manuel. Por outro lado, o sector norte, a Terra de Alarcón e Iniesta, pertenceu ao reguengo durante o século XII e XIII, sendo incorporado ao señorío de Villena polo referido infante.