Secretina
composto químico / From Wikipedia, the free encyclopedia
A secretina é unha hormona que controla as secrecións no duodeno, e tamén a homeostase da auga (osmorregulación) no organismo. Prodúcena as células S do duodeno situadas nas criptas de Lieberkühn.[1] Actúa regulando o pH do contido duodenal por medio do control da secreción de ácido gástrica e o tamponamento con bicarbonato procedente das células centroacinares do páncreas e dos condutos intercalados. É famosa por ser a primeira hormona que foi identificada.[2] Nos humanos a secretina está codificada polo xene SCT.[3][4]
Recentemente descubriuse que xoga tamén un papel na osmorregulación no hipotálamo, hipófise, e riles.[5][6]