cover image

Washington, D.C.

cidade e capital dos Estados Unidos da América / From Wikipedia, the free encyclopedia

Washington, D.C. (ou Distrito de Columbia, ou distrito federal americano) é a capital dos Estados Unidos de América. O seu nome oficial é Washington, Distrito de Columbia. A cidade tamén se coñece como D.C., Washington, Capital Nacional ou Capital Federal. Está situada no leste do país, nas marxes do río Potomac, entre os estados de Maryland e Virxinia. Non se debe confundir co 42° estado americano, Washington. Por isto, Washington, a capital nacional, é xeralmente chamado Distrito de Columbia, e Washington, o estado, Estado de Washington.

Quick facts: Washington, D.C., Localización, País, Distrit...
Washington, D.C.
Vistas da cidade
Localización

Washington, D.C.
País Estados Unidos de América
DistritoDistrito de Columbia
Xeografía
Altitude0-125 msnm
Superficie177,0 km² km²
Demografía
Poboación646.449 hab. (2013)
Densidade4.066 hab./km²
Xentiliciowashingtoniano/a[1]
Outros datos
Código postal20001-20098, 20201-20599
AlcaldeVincent C. Gray (D)
Páxina oficial
Close

O Distrito de Columbia é o distrito federal dos Estados Unidos, que posúe limitado poder gobernamental propio, sendo gobernada maioritamente polo Congreso americano. É o centro administrativo, lexislativo e xudicial do país.

A poboación de Washington é de 588.292 habitantes (2007), e a súa rexión metropolitana posúe preto de 4,4 millóns de habitantes (7,8 millóns xuntamente coa rexión metropolitana de Baltimore, localizado a 100 km de Washington). A súa construción iniciouse en 1792, instalándose o goberno federal en 1800. A cidade constitúe o Distrito de Columbia, desanexado dos estados de Virxinia e Maryland. Posúe innúmeros monumentos, entre os que se encontran a Casa Branca (residencia do Presidente dos Estados Unidos), o Capitolio dos Estados Unidos (sede do Congreso), a Biblioteca do Congreso, o Monumento de Washington, e o Monumento a Lincoln.

Foto aérea do Monumento de Washington e da Casa Branca.