Órgano sexual

Un órgano sexual ou órgano reprodutor é calquera parte anatómica do corpo dun organismo complexo que participa na reprodución sexual e que xuntos constitúen o sistema reprodutor. Os órganos visibles externos, en machos e femias, son os órganos sexuais primarios coñecidos como xenitais. Os órganos internos coñecidos como órganos sexuais secundarios^[1][2] e son chamados ás veces como xenitais internos. As características que comezan a aparecer durante a puberdade, como no caso dos humanos o pelo pubiano en ámbolos dous sexos ou o pelo facial nos homes, son coñecidas como características sexuais secundarias.

Órgano sexual
Os órganos sexuais dunha alga verde son o anteridio macho (vermello) e o arquegonio femia (marrón).
Instancia de	tipo de clase de estrutura anatómica
Subclase de	órgano reprodutor e estrutura anatómica de xénero
Parte de	sistema reprodutor humano
Desenvolvemento	desenvolvemento dos xenitais
Caracterizado por  características sexuais primarias
Fontes e identificadores
MeSH	D005835
Thesaurus do NCI	C25177
Descrito pola fonte Enciclopedia de Otto Q23867357 Dicionario Enciclopédico Brockhaus e Efron Q24473407
[ Wikidata ] [ C:Commons ]

Musgos, fentos e algunhas plantas semellantes teñen gametanxios como órganos reprodutores, que forman parte do gametófito.^[3] As flores das plantas anxiospermas producen pole e óvulos, pero os órganos sexuais propiamente están dentro do gametófito co pole e o óvulo.^[4] As coníferas producen as súas estruturas reprodutivas contidas dentro de piñas e pole. As piñas e o pole non son eles mesmos órganos sexuais.