Öland
From Wikipedia, the free encyclopedia
Remove ads
Öland é unha illa no Mar Báltico, ao largo da costa leste da Suecia, e pertence á mesma. Situada no Condado de Kalmar cunha área de 1342 km², é a segunda illa sueca por extensión, despois de Gotland. Poboación (2003): 24.628 habitantes. Está separada do continente polo estreito de Kalmar. Contén un sitio designado patrimonio mundial: a paisaxe agrícola do sur de Öland.
Remove ads
Historia
Existe evidencia arqueolóxica que indica que a illa habitouse no ano 8000 a.C., xa que as escavacións que datan do Paleolítico, confirman a presenza de recolectores.[1] A comezos da Idade de Pedra, os colonizadores migraron a través da ponte de xeo que conectaba a illa a través do Estreito de Kalmar.
A evidencia da poboación de Öland (coñecida en latín Oelandia) sucedeu polo menos no 6000 a.C., cando había establecementos da Idade de Pedra en alby e outras localidades da illa. Existen panteóns da Idade de Ferro e a época dos viquingos visibles en Getllinge, Hulterstad, e noutros lugares no seu bordo do perímetro áchanse tamén barcos de pedra.
Hai dezanove fortes circulares da Idade de Ferro identificados na illa. Só un deles, Eketorp, foi completamente escavado e de aí recuperáronse máis de 24.000 artefactos.
Para o ano 900, Wulfstan de Hedeby chamou á illa «Eowland», a terra dos Eowan:
Entón, logo da terra dos Burgundianos, quedaron a nosa esquerda as terras que foron chamadas desde o inicio do tempo Blekingey, e Meore, e Eowland, Gotland, co seu territorio someitdo aos Suioes e Weonodland á nosa dereita, chegando tan lonxe como á boca do Vístula.[2]
Con todo, esta non foi a primeira mención dos Eowans. Existe un nomeamento anterior da tribo no poema Widsith na literatura anglosaxoa:
Breoca Brondingum,
- Billing Wernum.
Oswine weold Eowum
- ond Ytum Gefwulf,
Fin Folcwalding
- Fresna cynne.
Sigehere lengest
- Sædenum weold,
Hnæf Hocingum,
- Helm Wulfingum,
Widsith
Estudosos como Schütte[3] e Kendrick[4] sinalan que houbo unha mención aínda máis temperá da xente de Öland no ano 98 por Tácito, quen os chamou "Aviones":
Logo dos longobardos, chegaron os Reudigni, Auinoes, Anglos, varnos, eudosios, Suarines e Nuithones; todos eles ben resgardados por ríos e bosques. Non hai nada notable sobre ningunha destas tribos a menos que se fale da veneración de Nerthus, é dicir a Nai Terra. Eles creen que está interesada nos asuntos do home e manéxase por eles. Nunha illa no océano hai un arboredo onde espera un vagón divino cuberto por unha cortina.Do libro Germania, de Tácito
Na historia sueca, a illa serviu como parque real, especialmente Ottenby e Halltorps, que foron seleccionados pola coroa sueca na [Idade Media] como reservas reais de recreación.
Remove ads
Xeografía
Öland é a segunda illa máis grande das illas de Suecia e historicamente dividiuse nunha cidade e cinco Centenas (vilas).
Cidades e vilas
- Alby
- Borgholm (1816)
- Gettlinge
- Hulterstad
- Färjestaden
- Mörbylånga
- Eriksöre
- Stenåsa
- Segerstad
- Seby
- Södra Sandby
- Norra möckleby
- Bläsinge
- Gårdby
- Ottenby
- Köpingsvik
Vilas
- Algutsrum Hundred
- Gräsgård Hundred
- Möckleby Hundred
- Runsten Hundred
- Slättbo Hundred
- Åkerbo Hundred
Datos
- Maior altura: Högsrum, 55 m
- Lago máis grande: Hornsjön[5]
- Longo: 137 km
- Largo (no punto máis largo): 16 km
Remove ads
Clima
Öland ten un clima oceánico semi-continental con grandes diferenzas de temperatura entre o verán e o inverno. Hai dúas estacións meteorolóxicas principais, unha situada no extremo norte e a outra no extremo sur. Malia a latitude máis setentrional, o bordo setentrional de Öland é moito máis suave que o seu bordo meridional, xa que o aire se quenta sobre as máis grandes masas de terra circundantes durante días, mentres que retén pesados trazos marítimos durante a noite. É tamén máis representativo para o clima xeral da illa.
Remove ads
Notas
Véxase tamén
Wikiwand - on
Seamless Wikipedia browsing. On steroids.
Remove ads