1222

1222 (MCCXXII) foi un ano común comezado en sábado segundo o calendario xuliano.

1222
Calendario gregoriano	1222 MCCXXII
Ab urbe condita	1975
Calendario armenio	671
Calendario chinés	3918 – 3919
Calendario hebreo	4982 – 4983
Calendario hindú
·  Vikram Samvat	1277 – 1278
·  Shaka Samvat	1144 – 1145
·  Kali Yuga	4323 – 4324
Calendario persa	600 – 601
Calendario musulmán	619 – 620
Calendario rúnico	1472
⟸ Década de 1220 ⟹ 1218 1219 1220 1221 1222 1223 1224 1225 1226

Acontecementos

Europa

• Pola súa Bula Dourada, André II de Hungría sométese á dieta e aos señores feudais. A Bula garántelle á nobreza unha dieta anual, inmunidades de orde fiscal e a percepción de impostos e recoñécelle o dereito á insurrección contra o monarca.
• Primeiro reinado de Erico XI Eriksson en Suecia.
• O rei de Bohemia, Otokar I, anexiona Moravia ao seu reino.
• Fundación de Dorpat en Livonia.
• Fundación da orde dos Cabaleiros Teutóns.
• Revolta popular na Estonia.

Imperio Bizantino

• Comeza o reinado de Xoán III Vatatzés, emperador bizantino de Nicea (até 1254).

Tíralles aos latinos as súas posesións asiáticas e varias illas (Lesbos, Quíos, Samos e Rodas). Co apoio provisorio dos búlgaros, sitia, sen éxito, Constantinopla. Desembarca na Tracia.

• O déspota do Epiro faise co reino de Tesalónica.
• Andrónico I ascende ao trono do Imperio de Trebisonda, á morte de Aleixo I.

Rusia

• Iaroslav Vsievolodovitch toma Novgorod do seu irmán Constantino de Rostov.
• Os mongois Djebe e Subutay pasan o Cáucaso por Derbent e chegan ás estepas dos cumanos após saquear Chirván. Kotian, khan dos cumanos, solicítalles axuda aos rusos. Os mongois, logo de teren reducido aos alano e cherquesos, envían unha embaixada a Rusia, que é masacrada, desencadeando as hostilidades. Kotian refúxiase co seu padrasto, Mstislav, que convence aos príncipes rusos para recrutar un exército de 80 000 homes para deter os mongois.

África

• Sundjata Keïta crea o Imperio de Malí e abole a escravitude (Carta do Mandinga).

Norte de África

• Reinado de Abd el-Ouahid, califa Almohade.

Sobe ao trono tras a morte do seu sobriño Yusuf al-Mustansir. Estalan revoltas en todo o imperio almohade. Na Península Ibérica, Abdallah-Adil proclámase califa, en canto que os xeques marroquinos depoñen a Abd el-Quahid.

Asia

• Na India, os mongois chegan até Multán, mais retíranse por causa do clima.
• Xenxis Khan pasa por Afganistán. Alí recibe ao monxe taoísta Tehi-tehe Tchag-tchoun, a quen fixera vir desde a China para que lle atopase un xeito de escapar á morte. No outono, volta a Boukhara, e logo a Samarcanda, onde pasa o inverno.

Oriente Próximo

• Os pisanos e os xenoveses das colonias de Acre enfróntanse. Perden estes últimos e abandonan o porto.

Arte e cultura

• Fundación da Universidade de Padua por un grupo de disidentes da Universidade de Boloña.

Nacementos

• Teodoro II Láscaris, emperador bizantino

Mortes

• 1 de febreiro - Aleixo I, emperador de Trebisonda.
• Teodoro I Láscaris, emperador bizantino.
• Yusuf al-Mustansir (n. 1197), califa almohade.
• Xoán I de Suecia

Historia ano a ano

Wikimedia Commons ten máis contidos multimedia na categoría:  1222