Abanca

Abanca, ABANCA Corporación Bancaria S.A., é un banco con sede en Galicia. Creouse no 2011 tras a "bancarización" da caixa de aforros de NovaCaixaGalicia. Opera nas comunidades autónomas de Galicia e Asturias e noutras partes de España e Portugal. Ten oficinas bancarias no Reino Unido, Francia, Suíza, o Brasil, Venezuela, Panamá, México e os Estados Unidos. Opera baixo o nome de Abanca dende o 27 de xuño de 2014, substituíndo á anterior marca Novagalicia Banco.^[1]

Abanca
Instancia de	banco, institución financeira, Bolsa de valores, negocio e organización
Forma xurídica	sociedade anónima
Actividade
Industria	economía bancaria, servizos financeiros e sector financeiro
Produtos servizos financeiros
Data
Fundación	14 de setembro de 2011
Cronoloxía
Precedido por	NCG Banco
Localización
43°16′47″N 8°12′39″O
País	España
Sede	Betanzos, Madrid e Betanzos
Lugar de formación	A Coruña
Fontes e ligazóns
Páxina WEB	abanca.com
Redes
[ Wikidata ] [ C:Commons ]

Historia

Anuncio de Abanca na Coruña.

Anuncio de Abanca ó lado da Sede Afundación na Coruña.

En abril de 2014, Banesco, foi o vencedor da poxa de NCG Banco a través de Banco Etcheverría. Pagou 1000 millóns de euros por unha entidade rescatada con 9000 millóns do erario público que nunca foron recuperados.^[2]

A empresa anunciou que suprimiría a marca Novagalicia Banco e se substituiría por unha nova.^[3] O 26 de xuño de 2014, a nova marca Abanca foi presentada en Santiago de Compostela.^[4] O 27 de xuño de 2014, a marca comercial Novagalicia Banco foi substituída pola marca Abanca.^[1]

Está previsto que as oficinas de Banco Etcheverría pasen a operar tamén baixo a marca Abanca. A marca Banco Etcheverría podería quedar para banca privada a partir do próximo ano.^[5]

Características

Abanca é «un nome en galego, para un banco con alma de caixa que nace co obxectivo de merecer servir ós galegos»^[6], en palabras de Juan Carlos Escotet, presidente de Banesco. Co azul e o branco como cores predominantes, a nova marca do banco galego vai acompañada dun lema, "Sentir Común", «que aglutina tódolos valores do novo banco que nace con esta marca: a responsabilidade, a confianza, a calidade, a sinxeleza, a innovación».^[4][6]

Desde a súa adquisión o banco non deixou de acumular beneficios,^[7] ao tempo que reducia as súas oficinas, deixando sen servizo amplas zonas de Galiza.^[8] Desde a súa creación o banco relega o galego a un uso testemuñal.^[9] A xunta de Galiza autorizou a empresa a creación dunha universidade privada.^[10]

Galería de imaxes

• 
  Sucursal de Abanca en Santa Cristina de Cobres.
• 
  Oficina de Abanca na Coruña.
• 
  Oficina de Ribadeo