A morte de Sócrates

A morte de Sócrates (en francés: La Mort de Socrate) é unha pintura de 1787 realizada polo francés Jacques-Louis David. O cadro céntrase nun tema clásico como moitas das súas obras desa década, neste caso a historia da execución de Sócrates segundo a contou Platón en Fedón.^[1][2]

A morte de Sócrates
Instancia de pintura
Movemento neoclasicismo Academicismo
Xénero artístico pintura histórica
Material pintura ao óleo lenzo
Propietario Charles-Louis Trudaine de Montigny (en) Adolphe de Rougé (pt) Olivier de Saint-Georges de Vérac (pt) Marius Bianchi
Código do catálogo 76 Jacques-Louis David catalog raisonné, 1973 (en)
Autoría
Creador/a Jacques-Louis David
Temática
Tema principal Sócrates
Representa a julgamento de Sócrates (pt) home beca (pt) suicidio forzado Cadea (obxecto) Facho rolo cama Cicuta escaleira Sócrates suicidio tristura
Datas e cronoloxía
Data de creación 1787
Dimensións
Altura 129.5 cm
Anchura 196.2 cm
Localización
Localización Metropolitan Museum of Art
Colección Metropolitan Museum of Art
Fontes e ligazóns
Descrito pola fonte Heilbrunn Timeline of Art History (en) The Metropolitan Museum of Art Guide (2012 edition) (en)
[ Wikidata ] [ C:Commons ]

Foi unha encarga dos irmáns Trudaine^[3] e exponse no Metropolitan Museum of Art de Nova York.

Descrición

A obra representa a escena da morte do filósofo grego Sócrates, condenado a morrer bebendo cicuta por expresar as súas ideas en contra da crenza nos deuses ancestrais e corromper os mozos atenenses.

Critón é o discípulo que pon a súa man na coxa do mestre, como tentando facelo desistir da súa decisión. Na parte esquerda, sentado e abatido, atópase Platón, que, segundo el mesmo escribiu en Fedón, en realidade non estaba presente ese día por estar enfermo. O carcereiro téndelle a copa de cicuta cun xesto de non querer facelo, sen poder sequera miralo. Domina a escena o propio Sócrates, alzándose de xeito decidido, resolto a tomar o veleno tras pronunciar o seu discurso sobre a inmortalidade da alma.