Mosquito tigre

O mosquito tigre^[1][2][3] (Aedes albopictus) é unha especie de mosquito da familia dos culícidos orixinaria das áreas tropicais e subtropicais do sueste asiático. Porén, nos séculos pasados esta especie estendeuse por moitos países a través do transporte de mercadorías e das viaxes internacionais.^[4] Caracterízase polas bandas brancas nas súas patas e no corpo.

Mosquito tigre
Estado de conservación
Non avaliado
Clasificación científica
Reino: Animalia Filo: Arthropoda Clase: Insecta Orde: Diptera Suborde: Nematocera Familia: Culicidae Subfamilia: Culicinae Tribo: Aedini Xénero: Aedes Subxénero: Stegomyia Especie: A. albopictus
Nome binomial
Aedes albopictus Skuse 1895
Distribución global (2015). Distribución global (2015).
Sinonimia
Culex albopictus Skuse 1895 Stegomyia albopicta Skuse 1895

Este mosquito converteuse nunha praga importante en moitas comunidades porque está estreitamente asociado cos humanos (en lugar de vivir en zonas húmidas) e normalmente voa e aliméntase durante o día, ademais de ao solpor e ao amencer. O insecto chámase mosquito tigre pola súa aparencia a raias, que se asemella á dun tigre. Ae. albopictus é un importante vector epidemiolóxico para a transmisión de moitos patóxenos virais, incluíndo a febre amarela, a febre do dengue e o Chikungunya,^[5] así como varios nematodos de filariose como Dirofilaria immitis.^[6] Aedes albopictus é capaz de albergar o virus de Zika^[7][8] e considérase un vector potencial para a transmisión de Zika entre os humanos.