Alberto Comesaña
From Wikipedia, the free encyclopedia
Remove ads
Alberto Comesaña García, nado en Vigo o 1 de agosto de 1961, é un cantante, presentador de televisión e expolítico galego.
Remove ads
Traxectoria
Naceu en Vigo, sendo o menor de tres irmáns, de pai natural de Santo André de Comesaña e nai orixinaria do concello coruñés de Vilasantar.[1] Estudou Enxeñaría Agrícola en Lugo, ao tempo que comezou a actuar como DJ no pub Stilton da cidade lucense.[2]
Na década de 1980, no contexto da movida viguesa, liderou o grupo Semen Up, un dos referentes de dito movemento, cuxa primeiro mini-LP foi publicado en 1985.[3] Continuou á fronte do grupo nos seguintes anos, nos que comezou a traballar na TVG, como produtor e presentador do programa musical A tumba aberta e xurado en 3 por 4.[3]
Xa en 1991 creou xunto coa cantante asturiana Cristina del Valle, á que coñecera na TVG, o grupo de música Amistades Peligrosas.[4] Máis tarde, en 1998 anunciaron a súa separación despois de 7 anos de éxitos, e cadaquén seguiu coa súa carreira en solitario. Durante eses anos presentou tamén na Televisión de Galicia os programas Con perdón e Bravo polos amigos.
En 2003 anunciouse a volta de Amistades Peligrosas. Sacaron un disco titulado La larga espera e realizaron unha xira que se prolongou ata 2005.[3]
Política
Na segunda metade da década de 2010 realizou labores políticos como militante do Partido Popular e membro da executiva deste partido en Boadilla del Monte.[5] Así mesmo, ocupou o posto de secretario xeral da Asociación de Compositores y Autores de la Música, colectivo ligado á SGAE.
Remove ads
Notas
Wikiwand - on
Seamless Wikipedia browsing. On steroids.
Remove ads