Aleksandr Stepanovich Popov

Aleksandr Stepanovich Popov (en ruso: Алекса́ндр Степа́нович Попо́в), nado en Turyinskiye Rudniki o 4 de marzo de 1859 e finado en San Petersburgo o 13 de xaneiro de 1906 (31 de decembro de 1905 no calendario xuliano), foi un físico ruso, unha das primeira persoas que inventou un aparato receptor de radio.^[1][2][3]

Aleksandr Stepanovich Popov

Biografía
Nacemento	4 de marzo de 1859 (Xuliano) Krasnoturyinsk, Rusia (pt)
Morte	31 de decembro de 1905 (Xuliano) (46 anos) San Petersburgo, Rusia
Causa da morte	hemorraxia cerebral
Lugar de sepultura	cemiterio Volkovo
Educación	Perm Theological Seminary (en) Faculty of Physics and Mathematics of the Saint Petersburg University (en) Yekaterinburg Seminary (en)
Actividade
Campo de traballo	Física
Ocupación	físico, enxeñeiro, inventor, pedagogo
Empregador	Saint Petersburg State Electrotechnical University (en)
Interesado en	Física e enxeñaría eléctrica
Premios
Orde de Santa Ana, 2ª clase  Order of Saint Stanislaus, 2nd class (en)  Orde de Santa Ana, 3ª clase  Medal In memory of Alexander III (en)
Sinatura
Descrito pola fonte	Grande Enciclopedia Soviética 1969-1978, (sec:Попов Александр Степанович) Enciclopedia militar Sytin Dicionario Enciclopédico Brockhaus e Efron

O traballo de Popov como profesor da escola naval de Rusia levouno a explorar o fenómeno da alta frecuencia eléctrica. O 7 de maio de 1895 presentou un artigo sobre un detector de raios sen fíos que construíra empregando un cohesor para detectar ruído de radio dos raios. Ese día celébrase en Rusia o Día da Radio. Nunha demostración o 24 de marzo de 1896 transmitiu sinais de radio a 250 metros entre edificios do campus de San Petersburgo. O seu traballo estaba baseado no doutro físico, Oliver Lodge, e foi contemporáneo co de Guglielmo Marconi.

Traxectoria

Popov naceu en 1859 en Turyinskiye Rudniki, actual Krasnoturyinsk, nos Urais e estudou na Universidade Estatal de San Petersburgo. Foi o inventor da antena e con ela puido facer transmisións de ondas electromagnéticas a distancia.

Dende 1890 continuou os experimentos de Hertz. Construíu o seu primeiro receptor de radio en 1894 e posteriormente presentouno ante a Sociedade Rusa de Física e Química. Dende 1901 foi profesor do Instituto Electrotécnico.

Honras

En 1945, no 50 aniversario do experimento de Popov, a Unión Soviética converteu o 7 de maio nun día festivo, o Día da Radio, día en que afirman que inventou a radio. Os historiadores indican que esta festa puido ser máis debido á política da guerra fría máis que por evidencias históricas.^[4][1][3] O Día da Radio continúa a ser oficial en Rusia e Bulgaria.

Un planetoide, 3074 Popov, descuberto pola astrónoma soviética Lyudmila Zhuravlyova en 1979, recibiu o seu nome.^[5]