Alfaproteobacterias

As alfaproteobacterias ^[1] ou Alphaproteobacteria (ás veces escrito alfa-proteobacterias^[1]) son un tipo de bacterias gramnegativas que forman unha clase do filo Proteobacteria.^[2]

Alfaproteobacterias
Micrografía electrónica de transmisión dunha célula de insecto con bacterias Wolbachia no seu interior. de Public Library of Science / Scott O'Neill
Clasificación científica
Dominio: Bacteria Filo: Proteobacteria Clase: Alphaproteobacteria
Ordes
'Candidatus Alysiosphaera europeae' 'Candidatus Catenimonas italica' 'Candidatus Monilibacter batavus' 'Candidatus Pelagibacter ubique' Rappe et al. 2002 'Candidatus Puniceispirillum marinum' Oh et al. 2010 'Candidatus Riegeria galatelae' Gruber-Vodicka et al. 2011 Caulobacterales Caulobacteraceae Kiloniellales Kiloniellaceae Kopriimonadales ♠ Kopriimonadaceae ♠ Kordiimonadales "Kordiimonadaceae" "Magnetococcales" "Magnetococcaceae" "Parvularculales" "Parvularculaceae" Rhizobiales "Aurantimonadaceae" Bartonellaceae Beijerinckiaceae Bradyrhizobiaceae Brucellaceae Cohaesibacteraceae Hyphomicrobiaceae Methylobacteriaceae Methylocystaceae Phyllobacteriaceae Rhizobiaceae Rhodobiaceae Xanthobacteraceae Rhodobacterales Rhodobacteraceae Rhodospirillales Acetobacteraceae Rhodospirillaceae Rickettsiales Anaplasmataceae Holosporaceae Rickettsiaceae Sneathiellales Sneathiellaceae Sphingomonadales Erythrobacteraceae Sphingomonadaceae

Características

As Alphaproteobacteria comprenden maioritariamente xéneros fotótrofos, pero tamén varios xéneros que metabolizan compostos dun só carbono (por exemplo, Methylobacterium spp.), simbiontes de plantas (por exemplos, Rhizobium spp.) e animais, e un grupo de patóxenos, as Rickettsiaceae. Ademais, os precursores das mitocondrias das células eucarióticas pénsase que se orixinaron a partir de Rickettsia spp. (ver teoría endosimbiótica). Debido ás súas propiedades simbióticas, os investigadores usan frecuentemente as Alphaproteobacteria do xénero Agrobacterium nas técnicas de transferencia de xenes alleos a xenomas de plantas, e teñen tamén moitas outras aplicacións biotecnolóxicas.^[3] As bacterias fotótrofas anoxixénicas aeróbicas son alfaproteobacterias, e son unha parte do plancto mariño de ampla distribución, que poden chegar a supoñer o 10% de toda a comunidade microbiana de mar aberto.

Evolución e xenómica

A clase Alphaproteobacteria comprende dez ordes, que son: Magnetococcales, Rhodobacterales, Rhodospirillales, Rickettsiales, Sphingomonadales, Caulobacterales, Kiloniellales, Kordiimonadales, Parvularculales e Sneathiellales.^[4][5] Nas árbores filoxenéticas baseadas en secuencias concatenadas de grandes conxuntos de datos de proteínas, as especies destes ordes das que xa se secuenciou o xenoma ramifícanse na seguinte orde, desde a rama máis antiga á máis recente: Magnetococcales-Rickettsiales-Rhodospirillales-Sphingomonadales-Rhodobacterales-(Caulobacterales-Parvularculales)- Rhizobiales.,^[6][7][8] As análises comparativas dos xenomas secuenciados levaron á descuberta de moitas mutacións por insercións e delecións (indeis) conservados en proteínas amplamente distribuídas e nas proteínas completas (é dicir, proteínas "sinatura"), que son características distintivas ou ben de todas as Alphaproteobacteria, ou ben das súas ordes principais (Rhizobiales, Rhodobacterales, Rhodospirillales, Rickettsiales, Sphingomonadales e Caulobacterales) e familias (Rickettsiaceae, Anaplasmataceae, Rhodospirillaceae, Acetobacteraceae, Bradyrhiozobiaceae, Brucellaceae e Bartonellaceae). Estas sinaturas moleculares proporcionan novos métodos para clasificar estes grupos taxonómicos e para a identificación e asignación de novas especies a cada un dos grupos.^[6][9] Análises filoxenéticas e indeis conservados en gran cantidade doutras proteínas fornecen evidencias de que as Alphaproteobacteria se ramificaron antes ca moitos outros filos e clases de bacterias, agás as Betaproteobacteria e Gammaproteobacteria.^[10][11]

Filoxenia

Véxase tamén: Taxonomía bacteriana.

A filoxenia aceptada actualmente deste grupo está baseada na LPSN (List of Prokaryotic names with Standing in Nomenclature) ^[5] e na base de datos taxonómicos do NCBI (National Center for Biotechnology Information) ^[12] e a filoxenia está baseada nos datos do ARNr 16S da LTP 106 do Proxecto The All-Species Living Tree ^[13]

?Aquaspirillum polymorphum ♠ (Williams e Rittenberg 1957) Hylemon et al. 1973     ?Furvibacter ♠ Lee et al. 2007     ?Kopriimonas byunsanensis ♠ Kwon et al. 2005     ?Magnetococcus marinus Bazylinski et al. 2012 (en prensa)     ?Micavibrio aeruginosavorus ♠ Lambina et al. 1983     ?Polymorphum gilvum ♠ Cai 2010     ?Reyranella massiliensis Pagnier et al. 2011     ?Ronia tepidophila ♠     ?Subaequorebacter tamlense ♠ Lee 2006     ?Tuberoidobacter mutans ♠     ?Vibrio adaptatus Muir et al. 1990     ?Vibrio cyclosites Muir et al. 1990     Rhodovibrio       Rhodospirillaceae 2         Tistrella       Rhodospirillaceae 3       Rhodospirillaceae 4       Defluviicoccus vanus Maszenan et al. 2005       Elioraea tepidiphila Albuquerque et al. 2008     Acetobacteraceae                 Rickettsiales [incluídas Mitocondrias]       Sneathiella       Sphingomonadaceae [incluídas Erythrobacteraceae, Caulobacter leidyi, Asticcacaulis]         Rhodothalassium salexigens (Drews 1982) Imhoff et al. 1998     Kordiimonas         Rhodospirillaceae 1 [incl. Roseospirillum parvum, Kiloniella laminariae, Terasakiella pusilla]     Rhizobiales [incluídas Caulobacteraceae, Rhodobacteraceae, Parvularcula & Streptomyces longisporoflavus]

Notas:
♠ Cepas que se atopan no NCBI, pero non na LPSN.