Antonio García Quejido

Antonio García Quejido, nado en Madrid en 1856 e finado na mesma cidade en 1927, foi un político e sindicalista español.

Antonio García Quejido

Biografía
Nacemento	16 de febreiro de 1856 Madrid, España
Morte	12 de xuño de 1927 (71 anos) Madrid, España
Lugar de sepultura	Cemiterio Civil de Madrid 40°25′20″N 3°38′09″O
Secretario xeral do Partido Comunista de España
15 de marzo de 1922 – 8 de xullo de 1923 – César Rodríguez González →
Concelleiro de Madrid
1909 – 1913 Circunscrición electoral: Universidad Electo en: Q44807408
Actividade
Lugar de traballo	Madrid
Ocupación	político, sindicalista, tipógrafo
Partido político	Partido Comunista de España (1921–) Spanish Communist Workers' Party (en) (1921–1921) Partido Socialista Obreiro Español (1879–1921)
Membro de	Unión Xeral de Traballadores
Sinatura
Descrito pola fonte	Ensayo de un catálogo de periodistas españoles del siglo XIX (1903-1904), (sec:García Quejido (Antonio), p.162) Grande Enciclopedia Soviética (1926—1947) Diccionari biogràfic del moviment obrer als Països Catalans (pt) , (sec:García Quejido, Antonio, p.639-641)

Traxectoria

Tipógrafo de profesión, entrou en contacto con intelectuais marxistas no seu Madrid Natal. En Concreto coa Nova Federación Madrileña, dirixida polo ferrolán Pablo Iglesias Posse. Esta agrupación foi o xermolo do Partido Socialista Obreiro Español.

García Quejido participou na fundación deste partido no 1879, converténdose nun dos dirixentes do mesmo, e participando na súa representación en Congresos da Segunda Internacional

Coñecido polo seu labor no eido sindical, participou no 1888 na fundación da Unión Xeral de Traballadores, sindicato do cal sería o seu primeiro presidente, sendo reelixido para este cargo no 1890. Entre o 1894 e 1905 foi Secretario Xeral deste sindicato agás no 1897, ano no cal dimitiu tras ser rexeitada a súa proposta de alianza estratéxica cos republicanos burgueses de esquerda.

No ano 1909 foi elixido concelleiro no Concello de Madrid, data a partir da cal cambiou a súa postura referente á alianza cos republicanos, mostrándose agora contrario á mesma

Durante a I Guerra Mundial, mostrouse favorábel ás teses esgrimidas por diferentes líderes marxistas mundiais (Vladimir Lenin, Karl Liebknecht) segundo as cales dita guerra era un conflito entre dous bloques imperialistas, e as forzas obreiras non deben apoiar nin a un bando nin a outro, senón denunciar o carácter do conflito. Isto enfrontouno á maioría da clase dirixente do PSOE, que se mostraba favorábel ao bando Aliado.

Este enfrontamento vería o seu punto álxido ao estourar a Revolución Rusa en 1917. El foi un dos principais defensores de dita revolución e da entrada do PSOE na III Internacional, defendendo esta postura até 1921. Neste ano, e ante a imposibilidade de triunfar sobre a chamada liña reformista no seo do PSOE, apoiou a escisión que levou a crear o Partido Comunista Obrero Español. Por mandato da III Internacional, que, segundo as 21 condicións que requiría para o ingreso esixía un só partido por estado, o PCOE fusiouse co Partido Comunista Español, dando lugar ao PCE, do que foi elixido primeiro secretario xeral.

Predecesor: Fundación	Presidente da UXT  1888 - 1892	Sucesor: Josep Comaposada i Gili
Predecesor: Basilio Martín Rodríguez	Secretario Xeral da UXT  1894 - 1905	Sucesor: Vicente Barrio
Predecesor: Fundación	Secretario Xeral do PCE  1921 - 1923	Sucesor: César Rodríguez González

Obra

• Pablo Iglesias e o Partido Socialista, escrito no 1905 baixo o pseudónimo de Fidel
• Carlos Marx e a Internacional, escrito no 1923